2025 წელს საქართველოში თვეში 100 000 ლარი ან მეტი ხელფასის სახით 35 615 დასაქმებულმა მიიღო, 6300 პირით მეტმა 2024 წელთან შედარებით.
შემოსავლების სამსახურის სტატისტიკა აჩვენებს, რომ მაღალანაზღაურებად დასაქმებულებს გასულ წელს ხელფასის სახით 8.176 მლრდ ლარი დაერიცხათ, 1.2 მილიარდით მეტი 2024 წელთან შედარებით.
დასაქმებულების რაოდენობა, ვინც თვეში 100 000 ან მეტ ხელფასს იღებს
- 2025 წელი – 35 615 პირი/ 8,176,722,990 ლარი
- 2024 წელი 29315 პირი/ 6,901,192,641 ლარი
წყარო: შემოსავლების სამსახური
შემოსავლების სამსახურის მონაცემებით, გასულ წელს ხელფასი 1 258 106 დასაქმებულმა მიიღო. მათი დარიცხული ხელფასი, ანუ ხელფასი საშემოსავლო გადასახადის ჩათვლით, წლის განმავლობაში 32.831 მლრდ ლარს აღემატებოდა.
მონაცემები აჩვენებს, რომ გასულ წელს 35 807 დასაქმებულის ხელფასი 600 ლარზე ნაკლები იყო. 1200-დან 12 000 ლარამდე დაიპაზონში კი, დარიცხული ხელფასი 416 239-მა დასაქმებულმა მიიღო.(ბიემჯი)
კომენტარები