„ხალხის ძალის“ წევრი დავით ქართველიშვილი:
„ილფისა და პეტროვის “12 სკამის” ცნობილ სცენაში, სადაც ჭადრაკის თამაშის უცოდინარი ოსტაპ ბენდერი რამოდენიმე დაფაზე ერთობლივ სეანსს ჩაუტარებს ოცამდე გროსსმეისტერს – არის საინტერესო ეპიზოდი. ბენდერი, რომელმაც გადარია თავისი თაღლითობითა და ფეიკ-ავტორიტეტით სოფელ ვასიუკის საჭადრაკო კლუბის წევრები – ყველა დაფაზე აკეთებდა ერთსა და იგივე სადებიუტო სვლას E2E4. მიუხედავად ამ დაწყების ბანალურობისა – თავდაპირველად დაკომპლექსებულ გროსმეისტერთა დიდ ნაწილს უკვე ამ სვლის შემდეგ თავში ებადებოდა სამარცხვინო აზრი: “ეხლავე ხომ არ დავნებდე?”.
სულ რამოდენიმე ხანში, როდესაც რეალური მოჭადრაკეები მიხვდნენ, რა იაფფასიანი დონის თაღლითთან ჰქონდათ საქმე, გათამამდნენ და ერთი მეორის მიყოლებით შამათით ასრულებდნენ საკუთარ პარტიას. ხოლო როდესაც სრული გამოაშკარავების პირას დარჩენილმა თაღლითმა ბენდერმა უკანასკნელ საჭადრაკო დაფიდან მოწინააღმდეგის ლაზიერი მოიპარა – ძლივს გაასწრო იქიდან განრისხებულ მოჭადრაკეებს. რამ გამახსენა? ნაცებმა, სააკაშვილმა და კუბილიუსმა. და აი ისიც, ამხანაგი ანდრიუსი:
“ევროპარლამენტში ჩატარდა საგანგებო დებატები თემაზე, რომელიც ეხებოდა მიხეილ სააკაშვილის ჯანმრთელობას და ასეთი საგანგებო დებატების ჩატარება ხშირად არ ხდება, მაგრამ მას მხარი დაუჭირა წევრთა უმრავლესობამ. მიუღებელია ის რაც ხდება საქართველოში და გამოვთქვამთ შეშფოთებას სააკაშვილის ჯანმრთელობის მდგომარეობის გამო. ძალიან დიდია მიხეილ სააკაშვილის სიკვდილის საფრთხე. შემდეგი ორი კვირის განმავლობაში, სტრასბურგში ჩატარდება სესია, სადაც სპეციალური რეზოლუცია იქნება გამოქვეყნებული ამ საკითხზე”.
როგორც ამაზე პაციენტ სააკაშვილის იდუმალი ავადმყოფობის ისტორია იუწყება – ყოველი მიღებული ევრორეზოლუციის შემდეგ, მისი ჯანმრთელობის მდგომარეობა მხოლოდ უარესდება. აბა, თქვენ იცით!“
კომენტარები