უბრალოდ, დავალებას ასრულებენ. ისინი იძულებული არიან ეს დავალება შეასრულონ, – ამის შესახებ რეჟისორმა გოგა ხაინდრავამ გადაცემაში „იმედი LIVE“ განაცხადა.
მან ისაუბრა იმ შესაძლო მიზეზზე, რამაც ბრალდებული მიხეილ სააკაშვილი და მისი ბიძა, თემურ ალასანია აიძულა, საქართველოში ჩამოსულიყვნენ.
ხაინდრავას თქმით, თემურ ალასანიას მის დისშვილთან, მიხეილ სააკაშვილთან ერთად საქართველოში უამრავი დანაშაული აქვს ჩადენილი, რომელიც გამოძიებული არ არის.
„რამ აიძულა თემურ ალასანია, რომ საქართველოში ჩამოსულიყო? რა უნდა გააკეთოს აქ ისეთი, რომ მაინც და მაინც მისი ჩამოსვლა იყო საჭირო? არის რაღაც ისეთი მნიშვნელოვანი, რასაც ისინი უარს ვერ ეუბნებიან. უბრალოდ, დავალებას ასრულებენ. ეს არის დავალება და იძულებული არიან ეს დავალება შეასრულონ. სხვა შემთხვევაში, მე კარგად ვიცნობ მიშა სააკაშვილს. რის მაცივარში ჩამჯდომია?!“, – განაცხადა ხაინდრავამ.
ყოფილი ჩეკისტები არ არსებობენ. არ არსებობენ მარტივი მიზეზის გამო, რომ ისინი იმდენად არიან გადაბმული იმ ორგანიზაციასთან და იმდენი კომპრომატი არსებობს მათზე, რომ შეუძლებელია მათი გადაკეთება. თემურ ალასანია ისეთივე პროამერიკელია, როგორც „ნაციონალური მოძრაობა“ არის პროამერიკელი, – ამბობს გოგა ხაინდრავა.
„ხე ნაყოფით შეიცნობა. თუ დავუკვირდებით, რა ხდება მთელი ამ წლების განმავლობაში საქართველოში და რას სჩადის „ნაციონალური მოძრაობა“ და მისი ბელადი სააკაშვილი, მათი ნამოქმედარი მხოლოდ ქვეყნისთვის ძირის გამოთხრას ემსახურება. არანაირი სხვა დანიშნულება, არანაირი სხვა ახსნა იმ ქმედებებს, რასაც ჩვენ ვხედავთ, არ აქვს. ისინი არ ცნობენ კანონს, ხალხის ნებას, კონსტიტუციას. ერთადერთი, რასაც ისინი სცნობენ, არის დესტრუქცია“, – განაცხადა გოგა ხაინდრავამ.
კომენტარები