ყოფილი პარლამენტარი დავით ზურაბიშვილი:
„მათ შორის, ვინც არჩევნებში ხმას აძლევს ქართულ ოცნებას, ვფიქრობ არის ხალხი, რომელთაც მაინცდამაინც არ მოსწონთ ბიძინა ივანიშვილის ერთპიროვნული მმართველობა, მაგრამ მხარს უჭერენ მას უმცირესი ბოროტების პრინციპით, ნაცების მოსვლის შიშით თუ უბრალოდ სტაბილურობისთვის.
ეს ხალხი, ჩემი მოკრძალებული აზრით, არის ოპოზიციის პოტენციური მხარდამჭერი, ოღონდ ისეთი ოპოზიციის, რომელიც იქნება არსებული ხელისუფლების პოზიტიური ალტერნატივა და რომელიც გამორიცხავს ნაცების რევანშს.
მაგრამ თუნდაც იდეალური ოპოზიციის მხარდამჭერი არასდროს არ შეიძლება გახდეს ის კონტიგენტი, ვისაც შეუძლია სერიოზულად ირწმუნოს, რომ ამერიკამ დააწყებინა საბრძოლო მოქმედებები პუტინს უკრაინის წინააღმდეგ, რათა მერე ომში ჩაერთო ბიძინა და რახან ეს უკანასკნელი სამშობლოს სიყვარულის გამო ამაზე არ დათანხმდა, მისი დამხობის მიზნით, არაჟნის კონტეინერში ჩასვა და საქართველოში შემოაპარა მიშა.
აი, ვისაც ამ პარანოიდული ბოდვის სჯერა, ის არათუ მხარდამჭერად არ გამოადგება არცერთ ნორმალურ პოლიტიკურ ძალას, არამედ საერთოდ ოჯახში არაა შემოსაშვები, რადგან დანამდვილებით შეიძლება ითქვას, რომ, არჩევნების დროს ესეგვარად მოაზროვნე საკუთარი ნებით, ყოველგვარი მოსყიდვის და დაშინების გარეშე ასი კანდიდატიდან ყველაზე გამოსირებული ვინც იქნება, უცილობლად იმას მისცემს ხმას“
კომენტარები