ანალიტიკოსი, ლელა ჯეჯელავა:
“გუშინ უკრაინის სამხედრო დაზვერვის მიერ გავრცელებულ ინფორმაციასთან დაკავშირებით ატეხილ ქარიშხალზე მეც მაქვს რამდენიმე მოსაზრება.
ძალიან კარგია, რომ ჩვენმა შესაბამისმა სამსახურებმა ოფიციალურ დონეზე უარყვეს ინფორმაცია, თუმცა ეს არ ნიშნავს, რომ ყველაფერი წესრიგშია. ჩვენ ისიც გვახსოვს, რომ როცა ერთი სპეციალური სამსახური საქართველოში ჩატაევის ყოფნას უარყოფდა, მეორე ამ დროს სპეც ოპერაციას ატარებდა.
პათოსი ჩვენი საზაგოდოების უმრავლესი ნაწილისა იყო, რომ ძალიან არ მინდა დადასტურდეს ინფორმაცია. ცხადია, არ მინდა. მე მინდა რომ უკრაინაში ომი არ იყოს, საქართველოს ტერიტორების 20% არ იყოს ოკუპირებული, საქართველო იყოს ნატოსა და ევროკავშირის წევრი, რუსეთი იყოს დემოკრატიული სახელმწიფო, მყავდეს უკეთესი ხელისუფლება. ეს ყველაფერი მინდა, მაგრამ ვაცნობიერებ რომ ძალიან შორს არის რეალობისგან და მაქვს სხვა მოცემულობა.
ყველმ ვიცით, რომ უკრაინის სადაზვერვო სამსახურები ძალიან მჭიდროდ თანამშრომლობენ იმ ქვეყნების შესაბამის სამსახურებთან, რომლებმაც რუსეთს სანქციები დაუწესეს. როდესაც უკრაინელებმა ხმამაღლა დასდეს ბრალი საქართველოს ხელისუფლებას რუსეთისთვის კონტრაბანდული არხის შექმნის მცდელობაში, ცხადია იმ წუთიდან ყველა ქვეყნის შესაბამასი სპეც სამსახური, თუ მანამდე არ იყო ინფორმირებული უკრაინელებისგან (რაც ძალიან საეჭვოა) აუცილებლად დაინტერესდებოდა საკითხის შესწავლით და პირველ რიგში უკრაინელებისაგან ისინი მოითხოვდნენ შესაბამის დადასტურებას.
ძნელი წარმოსადგენია, რომ უკრაინელები წასულიყვნენ საომარი მოქმედებების დროს ასეთ ავანტურაზე და თავისი მოკავშირეებისთვის ეთქვთ, არაფერი გვაქვს და უბრალოდ “ვიბლეფეთო”. მაშ რა ხდება? რაღაც ნამდვილად ხდება და რა ნაწილს გავიგებთ ჩვენ ინფორმაციისას, ეს დამოკიდებული იქნება საქართველოს ხელისუფლების შემდეგ ქმედებებზე. ის რომ საქართველოს ხელისუფლება უკვე შეეცადა, რომ ისევ ნაციონალური მოძრაობის შეფუთვით მოეყიდა ჩვენთვის ეს ამბავი, ნიშნავს უფრო მყარი არგუმენტების არ ქონას. კონტრ დაზვერვის უფროსის მოადგილე გია ლორთქიფანიძის დაკავშირება სრულიად სხვა უწყების მიერ გავრცელებულ ინფორმაციასთან სუსტი პოზიციაა. ძალიან მინდა ვცდებოდე, მაგრამ მე რაც მინდა, ყოველთვის არ არის მოცემულობა.”
“რუსები ქმნიან არხებს კონტრაბანდისთვის, საქართველოს გავლით” – უკრაინის დაზვერვა
კომენტარები