საქართველოს პრეზიდენტის იდეას, შეთანხმების თაობაზე მმართველ გუნდში კიდევ ერთხელ ეხმაურებიან. “ქართულ ოცნებაში“ ამბობენ, რომ პროცესს ოპონენტების პირობები და ინტერესები აფერხებს. პარლამენტის ფრაქცია “ქართული ოცნების” თავმჯდომარის მამუკა მდინარაძის თქმით, ოპოზციის ულტიმატები მათთვის კატეგორიულად მიუღებელია.
“საუბარია ეროვნულ თანხმობაზე, სადაც მოიაზრება ისეთი საკითხები, რომელიც შეიძლება საკამათოც კი არ იყოს. შეიძლება იყოს ეროვნულ ინტერესებთან დაკავშირებული, ოკუპაციის თემასთან, დე ოკუპაციის მიზნებთან დაკავშირებული და ა.შ. რომელზეც მართლაც შესაძლებელია ეროვნული თანხმობა და ამაზე დიდი სიამოვნებით ვისაუბრეთ. მაგრამ, იქ რაღაც დათქმებს რომ აკეთებენ, მიშა გამოუშვან და შევურიგდებითო, არავის არ სჭირდება ბოროტებასთან შერიგება და ამ საკითხს ჩვენ არ გადავხედავთ. მათ ულტიმატუმებს არ გავხდით შერიგების ან შეთანხმების სასპეკულაციოდ,“ – ამბობს მამუკა მდინარაძე.
კომენტარები