„რადიო “თავისუფლება”, ჯერ იქნებ თავად გათავისუფლდეთ, ან სახელი გადაირქვათ?! – ასე მიმართავს ანალიტიკოსი ამირან სალუქვაძე „რადიო თვისუფლების“ კოლექტივს.
ანალიტიკოსის პროტესტი გამოცემის ოფიციალურ გვერდზე გამოქვეყნებულმა ინფორმაციამ გამოიწვია, რომლის მიხედვითაც, ევროკავშირის ქვეყნები საქართველოსთვის უვიზო მიმოსვლის გაუქმებას განიხილავენ.
„რადიო “თავისუფლება”, ჯერ იქნებ თავად გათავისუფლდეთ, ან სახელი გადაირქვათ?!
მეორე, პარტიულ თუ აქაური ტოქსიკური ტელევიზიების ფილიალად იქეცით?
მესამე, გერმანიის პრეზიდენტის შტაინმაიერის განცხადება არ ჭრის?
მეოთხე, იქნებ წაშალოთ ყველგან ეს სიცრუე, მოიხადოთ ბოდიში და იმდენჯერ განათავსოთ უარყოფა, რამდენიც საჭირო იქნება ცრუ ინფორმაციის გადაფარვა?
სადაც თქვენი პროექტი “ეხო კავკაზა” საქართველოს სუვერენიტეტს არ სცნობს, ასეთები აღარ მიკვირს. პატრონი აღარ გყავთ პრაღაში? მწყინს, თქვენს რიგებში მეგობრებიც მყავს და გამოცემას დიდ პატივს გცემდით,“ – წერს ამირან სალუქვაძე.
ცნობისათვის, ინფორმაცია ევროკავშირის მიერ საქართველოსთვის უვიზო მიმოსვლის გაუქმების განხილვის შესახებ მედია საშუალებებმა გუშინ გაავრცელეს.
მოგვიანებით, გაირკვა, რომ ინფორმაცია სინამდვილეს არ შეესაბამებოდა.
„მინდა, დავამშვიდო, დავაწყნარო ყველა და ასევე იმედი გავუცრუო იმ ადამიანებს, რომლებმაც ეს ამბავი აიტაცეს…მინდა, მათ იმედები გავუცრუო და ვუთხრა, რომ ეს არის ძალიან დიდი ტყუილი,”- განცხადა საგარეო საქმეთა მინისტრმა დავით ზალკანიანმა.
ინფორმაციას ყალბი უწოდა გერმანიის პრეზიდენტმა ფრანკ-ვალტერ შტაინმაიერმაც.
კომენტარები