უკრაინელი გენერალი ოლექსანდრ ტარნავსკი CNN-თან ადასტურებს, რომ უკრაინამ აშშ-სგან კასეტური საბრძოლო მასალა მიიღო.
“ჩვენ სულ ახლახან მივიღეთ ისინი, ჯერ არ გამოგვიყენებია, თუმცა რადიკალურად შევცვლით ბრძოლის ველს.
მტერს ესმის, რომ ამ საბრძოლო მასალით უპირატესობა გვექნება. მტერი დათმობს ყველა ტერიტორიას, სადაც ამ იარაღის გამოყენება იქნება შესაძლებელი”, – თქვა ტარნავსკიმ CNN-თან.
როგორც გენერალი განმარტავს, კასეტური საბრძოლო მასალის გამოყენება არ მოხდება არცერთ მჭიდროდ დასახლებულ ტერიტორიაზე, მათ შორის არც რუსეთის მიერ კონტროლირებად რეგიონებზე.
შეგახსენებთ, რომ ამერიკის შეერთებულმა შტატებმა უკრაინისთვის კასეტური საბრძოლო მასალის გადაცემის შესახებ ინფორმაცია 7 ივლისს დაადასტურა. გადაწყვეტილებას ნეგატიური შეფასება მოჰყვა რუსეთისგან. როგორც რუსეთის თავდაცვის მინისტრმა, სერგეი შოიგუმ განაცხადა, რუსეთი იძულებული იქნება კასეტური იარაღი გამოიყენოს, თუ ამას უკრაინა გააკეთებს. ამერიკული მხარის განცხადებით, რუსეთი კასეტურ იარაღს აქამდეც იყენებდა უკრაინაში.
კომენტარები