ყოფილი პარლამენტარი, ეკონომისტი რომან გოცირიძე:
,,ქვეყანაში ოქტომბრის ბოლოს რუსეთიდან შემოვიდა ასი ათას ტონაზე მეტი ნედლი ნავთობი ყულევის მშენებარე ნავთობქარხანაში, ნოემბერ-დეკრმბერში გავიდა როგორც მზა ნაწარმი. საერთაშორისო სკანდალია. საქართველოს ნავთობის გადამუშავება არ შეუძლია, არა გვაქვს ნავთოგადამამუშავებელი ქარხანა. ამ უკანონო ოპერაციისაგან არავინ იგებს, გარდა რუსეთთან მჭიდროდ დაკავშირებული ამ მშენებარე ქარხნის მეპატრონეებისა, რომელსაც მთავრობა მფარველობს.
დღეს კობახიძე იძახდა, პირნათლად ვასრულებთ სანქციებსო და აგერ, თავად საქსტატმა ამხილა ამ სიყალბეში ორიდე დღის წინ. არცერთი შეკითხვა ამ სკანდალურ ფაქტზე.
წაიყო ტელევიზიები ძახილმა, ამერიკის ვიცე-პრეზიდენტი სომხეთში ჩადის, ჩვენთან არ ჩამოდისო. არა და ის კაცი შესარიგებლად ჩადის, ომი ჯერ არც დამთავრებულა სამართლებრივად. ისეთ რაღაცებში ვედავებით ამ რუსულ ხელისუფლებას, რომელშიაც თავის მართლება ძალიან ადვილია და იქეთ შემოდევებაც.
კრიტიკა, რომელიც არაფრისმომცემია, ქოცების წისქვილზე ასხამს წყალს.
რა ვქნათ, იმის შიშით, რომ საინფორმაციო საკანალიზაციო ქსელი “იმედი” ამ სიტყვებს ბანერზე გამოიტანს, არა ვთქვათ? ოპიზიციაშიც ახალი სიფრთხილის მოდა მკვიდრდება, ე მან იმედმა არ დაგვქარდოს. დააკომპლექსა ამ “იმედმა” ხალხი. თუ ისინი გვქარდავენ, ჩვენც კონტრდავქარდოთ. სოციალური ქსელების ეპოქაში ამაზე მარტივი რა არის. აქაც ქაოტურობაა. სოციალური აქტიურობა ყოველთვის არ ნიშნავს ეფექტიანობას, ზოგჯერ პირიქითაც.
მოკლედ, ის რაც უნდა იყოს დღეს მთავარი თემა, “ფორმულას” და “ტვ პირველის” თითო სიუჟეტით ამოიწურა. მთავრობას, საქსტატს, ყულევის ქარხანას პასუხიც კი არ გაუცია. გავიყურსოთ და თემაც დაიხურება, სხვა თემები წამოიწევს, ასეთია მათი უმარტივესი ტაქტიკა. რამდენი რამ მიეცა მივიწყებას, არა და იმდენი რამ ხდება ლამის ყოველდღიურად, რომ ეს ხელისუფლება ქვეყანას კი არ უნდა მართავდეს, ჯოჯოხეთში უნდა იწვოდეს “როსნეფტის” კუპრით.“
კომენტარები