ჟურნალისტი ვახო სანაია:
„რა უნდა მოხდეს, რომ პოლიციამ და სპეცრაზმმა ყოველ ჯერზე ასეთი სისასტიკე არ გამოიჩინოს და, ბოლოს და ბოლოს, რამეზე ჰქონდეს ადეკვატური რეაქცია.
საიდან ეს მოტივაცია და ენთუზიაზმი, გამეტებით ურტყათ თავენსავე მოქალაქეებს.
რუსის საძინებელში სანთლის დამჭერებად გაქციათ ივანიშვილმა.
რა უნდა მოხდეს, რომ თქვან – არა, ამას აღარ გავაკეთებ, ეს უკვე მეტისმეტია, მტერს არ დავიცავ.
კიდევ ვინ უნდა ჩამოვიდეს ?
ლუჟკოვი ჩამოვიდა – მტერი;
გავრილოვი ჩამოვიდა – მტერი;
პოზნერი ჩამოვიდა – რბილად რომ ვთქვათ, დახვეწილი პროპაგანდისტი და ნაძირალა;
ლავროვები ჩამოვიდნენ – მტრები;
გამოდის, რომ პუტინსაც ასევე დაიცავთ, რადგან ლავროვი და პუტინი ერთი და იგივეა.
2008 წლის ომის შედეგად :
14 პოლიციელი მოკლულია
22 პოლიციელი დაკარგულადაა მიჩნეული.
ესენი თქვენი კოლეგები არიან, რომელთა ხსოვნა ხელისუფლებამ ფეხქვეშ გათელა.
ამ ბიჭების მკვლელობა ჩადენილია პუტინის ბრძანებითა და ლავროვი ,,დიპლომატიური” უზრუნველყოფით.
არსებობს ხაზი, რომლის იქით აღარაფერია.
პუტინს იცავთ !
გასაგებია, რომ ყველაფერზე პასუხისმგებელია მოღალატეთა ხელისუფლება, მაგრამ გახსოვდეთ – არსებობს ადამიანის პირადი პასუხისმგებლობაც. 9 აპრილს, სასტიკი დარბევის დროს, მაშინდელი საბჭოთა მილიციის (!) არაერთი თანამშრომლი ხალხს მიეხმარა და ბევრი სიცოცხლეც გადაარჩინა.
ბრძანებას ვასრულებ და მიმართეთ პრესსცენტრს – არის მომენტები, როცა ეს სიტყვები მტრის მხარეს დგომას ნიშნავს. ახლა სწორედ ეს მომენტია.“
კომენტარები