რა წაშალა ვახო ჩიქოვანმა მობილურში – საქართველო ისრაელს მიმართავს – “საჭიროა სპეციალური ცოდნა”

შაქარაშვილის საქმე – საქართველო შაქარაშვილის საქმეზე ბრალდებულების ტელეფონებიდან წაშლილი ფაილების აღდგენის თხოვნით ისრაელს მიმართავს.

5 აგვისტოთი დათარიღებულ დოკუმენტში ვკითხულობთ, რომ გამომძიებელი არკად კვანტიანი, ზემდგომ ორგანოებს მიმართავს, რომ საქმის გამოძიებაში ჩაერთონ ისრაელის სპეციალისტები.

გამომძიებელი დადგენილებაში წერს, რომ ვახო ჩიქოვანის ტელეფონთან დაკავშირებით 2 თვის განმავლობაში გამომძიებლები მუშაობდნენ და ცდილობდნენ აღედგინათ მტკიცებულებები, რომლებსაც ვახო ჩიქოვანის ტელეფონი ინახავდა მათ ეს ვერ შესძლეს. გამომძიებელს აქვს ინფორმაცია, რომ ერთადერთი, ვისაც შეუძლია აღნიშნული ფაილების აღდგენა არის ისრაელის სპეციალისტები. ტვ პირველის ინფორმაციით აღნიშნულ საკითხზე საქართველო ისრაელს მიმართავს.

“ვახტანგ ჩიქოვანის სარგებლობაში არსებული Apple წარმოების Iphone 11 პრო მოდელის მობილური ტელეფონიდან გამოძიებისთვის არსებითი მნიშვნელობის მქონე არსებული/წაშლილი ინფორმაციის ამოღებასთან დაკავშირებით საქართველოში მოქმედ საექსპერტო დაწესებულებებში დანიშნული იყო საინფორმაციო ტექნოლოგიური ექსპერტიზები. აღნიშნული ექსპერტიზების ფარგლებში დასახელებული მობილურის მეხსიერებიდან ვერ მოხერხდა წაშლილი ინფორმაციის სრულიუად აღდგენა და ამოღება. Iphone 11 პრო მოდელის მობილური ტელეფონიდან წაშლილი ინფორმაციის ამოღების ტექნიკური შესაძლებლობა აქვს ისრაელის სახელმწიფო ეროვნული პოლიციის საექსპერტო დაწესებულებას.

ვახტანგ ჩიქოვანის სარგებლობაშ არსებული მობილურში წაშლილი ინფორმაციის აღდგენას და ამოღებას ესაჭიროება სპეციალური ცოდნა” – აღნიშნულია განცხადებაში.

ის, თუ რა ინფორმაციის მატარებელია ვახო ჩიქოვანის მობილური ჯერჯერობით უცნობია, თუმცა გამომძიებლებმა ვახო ჩიქოვანის საათი ამოიღეს. საათს ექსპერტიზა უტარდება. აღნიშნულ საკითხზე ამერიკის ფედერალური ბიურო მუშაობს .

თავად ვახო ჩიქოვანის ოჯახი იმაზე თუ რატომ წაშალა მან მობილური ტელეფონიდან ფაილები და მასალები აცხადებს, რომ ვახოს დასამალი არაფერის აქვს და იგი უდანაშაულოა.