რა შეზღუდვები იხსნება ხვალიდან – დეტალურად

8 მარტს, საქართველოში კორონავირუსის გავრცელების პრევენციის მიზნით დაწესებული შეზღუდვები კიდევ უფრო შემსუბუქდება. შესაბამისი გადაწყვეტილება უწყებათაშორისმა საკოორდინაციო საბჭომ პრემიერ-მინისტრ ირაკლი ღარიბაშვილის ხელმძღვანელობით მიიღო.

?8 მარტიდან სამთო კურორტებზე საბაგიეროები გაიხსნება;

?საქართველოს მთელ ტერიტორიაზე, რესტორნები სტუმრების მიღებას შეძლებენ (შაბათ-კვირის გარდა);

?არასასურსათო საცალო ვაჭრობა შაბათ-კვირის ჩათვლით, იგულისხმება როგორც მოლები, ასევე ბაზრობები, მუშაობას განაახლებენ.

ერთი კვირის შემდეგ, შეზღუდვები კიდევ უფრო შემსუბუქდება და:

?15 მარტიდან განაახლებენ მუშაობს სპორტული დარბაზები;

?სასწავლო პროცესის აუდიტორიებში აღდგება;

?ასევე, 15 მარტიდან განახლდება სასკოლო წრეები;

?თეატრები, სპორტული კლუბები, პროფესიული ანსამბლები რეპეტიციების და ვარჯიშის განახლებას 15 მარტიდან შეძლებენ, საქმიანობას სრულად მაყურებლების დასწრებით 1-ლი აპრილიდან შეძლებენ.

ძალაში რჩება ღამის საათებში გადაადგილებაზე დაწესებული შეზღუდვა.