“ნაციონალური მოძრაობის” თავმჯდომარე და თბილისის მერობის კანდიდატი, ნიკა მელია ამბობს, რომ თუ ადგილობრივი თვითმმართველობის არჩევნების მეორე ტურში გაიმარჯვებს, პარტიის თავმჯდომარის პოსტს დატოვებს.
“დედაქალაქის მთავრობის მაღალი თანამდებობის პირებს უნდა ჰქონდეთ მყარი პოზიცია დაფიქსირებული, რომ მიუხედავად პარტიული თანამდებობებისა, გამარჯვების შემდეგ ისინი მაღალ პარტიულ თანამდებობას დატოვებენ და თავიდან ბოლომდე გადაერთვებიან მუნიციპალური საკითხების მოგვარებაში.
შეუძლებელია, მე ვიყო გამარჯვების შემდეგ “ნაციონალური მოძრაობის” მოქმედი თავმჯდომარე და ამავე დროს დედაქალაქის მერი. ასე არ შეიძლება. გულწრფელები უნდა ვიყოთ თბილისელების მიმართ, ასე სწორია.
შეუძლებელია, რაც არ უნდა მოწადინებული ვიყო, პირველ რიგში ვიყო დედაქალაქის მერი, არ არსებობს, პარტიული ინტერესები წამძლევს, იგივენაირად უნდა მოიქცნენ, პარტიული თანამდებობების პირები, რომლებიც წარმოდგენილნი იქნებიან მთავრობაში სხვა პარტიებიდან. ეს იმას არ ნიშნავს, რომ პარტია უნდა დავტოვოთ”, – განაცხადა ნიკა მელიამ “tv პირველის” ეთერში.
კომენტარები