რა შედეგს მოიტანს ბოიკოტი და რა მაღალი რისკის შემცველია ადგილობრივ არჩევნებში მონაწილეობას? – გუჯა ხოკრიშვილი

ავტორიტარულ სისტემებში საარჩევნო პოლიტიკის გაგებისთვის ბევრი მიმართულებით საკმაოდ მოცულობითი სისტემური ემპირიულ კვლევები არსებობს. ანუ ავტოკრატების სტრატეგიული საარჩევნო გადაწყვეტილებების შესახებ და მათ გავლენაზე პოლიტიკური სტაბილურობისთვის.

დანაწევრებული ოპოზიციის და სამოქალაქო საზოგადოების შემთხვევაში „ქართული ოცნება” (ამის ბევრი მაგალითია) შეძლებს:

• მონაწილე პარტიების დემოკრატიული ლეგიტიმაციის „მტკიცებულებად” გამოყენებას

• ოპოზიციის დანაწევრებას და დასუსტებას („გონივრული ძალები” და „რადიკალები”)

• საერთაშორისო დაბნეულობის შექმნას იმაზე, თუ რა არის ამ არჩევნების რეალური მიზანი

ოპოზიციის, სამოქალაქო სექტორის და მოქალაქეების გაძლიერება ერთიანობით მნიშვნელოვანია . 70%-იანი პროევროპული მხარდაჭერის ფონზე ოპოზიციას აქვს თავისი ყველაზე ძლიერი რესურს ერთიანი ბოიკოტით:

• აძლიერებს გაზვნილს, რომ მთელი დემოკრატიული სპექტრი არჩევნებს ლეგიტიმურად არ აღიქვამს

• აქცენტი გადააქვს პროტესტსა და საერთაშორისო ადვოკატირებაზე

• ევროკავშირს და ცალკეულ ქვეყნებს უადვილდება სანქციების გამართლება

რატომ არის საქართველოს სპეციფიური გარემოებები ბოიკოტის სასარგებლოდ.

სუსტია რეჟიმის მობილიზაცია: სხვა ქვეყნების მაგალითისგან განსხვავებით, „ივანიშვილის რეჟიმს” არ აქვს კლასიკური ავტოკრატიული მობილიზაციის რესურსები

• არც ნავთობის შემოსავალი ეკონომიკური გადანაწილებისთვის (რუსეთის სანქციების არიდების ფონზე გენერირებული და “ქოლცენტრებით” მობილიზირებული რესურსები არ არის საკმარისი, ამიტომ განიხილავენ 3+3 და მსგავს ალიანსებში შესვლას). ამას ადასტურებს ფურცელზე გენერირებული ეკონომიკური ზრდა და პირველი 5 თვის სატატისტიკური მონაცემები (ეკ. ზრდის შემცირების ტემპი, ბიზნესის უარყოფითი მოლოდინები, ბოლო კვლევებით მოსახლეობის არსებითი უმეტესობა ეკონომიკურ ზრდას უარყოფითად აღიქვავს, მათი ოჯახის მდგომარეობა ბოლო 2 წლის განმავლობაში არ შეცვლილა, თუ არ გაუარესდა, კვლევებით ოცნების მხარდამჭერების უმრავლესობას აწუხებს სტატუს ქვო კრიზისი).

• მცირდება მზარდამჭერთა ბაზა (კვლევების თანახმად ოცნების მხარდამჭერთა 2/3 პროევროპულია და მოსახლეობა არსებითად ოპოზიციურად არის განწყობილი)

ოპოზიციას და სამოქალაქო ორგანიზაციებს აქვს ძლიერი მობილიზაციის რესურსი:

• ევროკავშირის კანდიდატის სტატუსი – როგორც გარე ლეგიტიმაციის წყარო

• საზოგადოების დიდი ნაწილის მხარდაჭერა ევროპული ინტეგრაციისთვის

• საერთაშორისო მხარდაჭერა და აღიარება

• უკვე მობილიზებული პროტესტის მოძრაობა – 200 დღეზე მეტი.

ბოიკოტის და პროტესტის რისკები არის საშუალო:

– ადგილობრივი ინსტიტუციური წარმომადგენლობის დაკარგვა

– რეჟიმის მხრიდან გზავნილი: „ოპოზიცია თავად უარს ამბობს დემოკრატიაზე”