ყოფილი პარლამენტარი, რომან გოცირიძე:
უნგრეთში მიმდინარე არჩევნები მნიშვნელოვან გავლენას მოახდენს ევროკავშირზე, ტრამპის პარტიის ბედზე ნოემბრის არჩევნებში, რუსეთზე, ასევე საქართველოზეც.
მიუხედავად იმისა, რომ ამომრჩეველთა უდიდესი ნაწილი ოპოზიციას უჭერს მხარს, შანსები მაინც თანაბარია. ამის მიზეზი აბსურდული უნგრული საარჩევნო სისტემაა, რაც ორბანმა შექმნა. იმდენად უცნაურია, რომ ამის აღწერა დიდი დროს წაგვართმევს. ერთს ვიტყვი მხოლოდ, რომ არჩევნებში დამარცხებული მაჟორიტარი კანდიდატის ხმები მიდის გამარჯვებულის საარჩევნო ყულაბაში. მაჟორიტარულ ოლქებში არ არსებობს აუცილებლად გადასალახავი ბარიერი, ვინც მეტ ხმას მოაგროვებს, ის ხდება გამარჯვებული. მეორე ტური არ არსებობს. საკმარისია ოპოზიციურ ფლანგზე გამოჩნდეს რომელიმე ისეთი მეორე კანდიდატი, რომელსაც გარკვეული ხმების წართმევა შეუძლია და ეს საკმარისი აღმოჩნდეს სახელიუფლებო კანდიდატის გასამარჯვებლად. ორბანი ზუნავს, რომ ასეთები გამოჩნდნენ. ფულით, რა თქმა უნდა. გარდა ამის, საარჩევნო ოლქები ისეა დაჩეხილი, რომ მიუხედავად მოსახლეობის სიმრავლისა, ოპოზიციურად განწყობილი ამომრჩევლებით დასახლებულ პუნქტებს ნაკლები მაჟორიტარული კანდიდატის კვოტები აქვთ.უნგრეთის პარლამენტი 199 წევრისგან შედგება, აქედან 106 არის არჩეული მაჟორიტარული ოლქებიდან, 93 კი პროპორციული პარტიული სიით. პროპორციულში ოპოზიცია დიდი უპირატესობით მოიგებს, მაჟორიტარული კი ორბანის ბეღელია. ძალიან ჰგავს ვითარება ქართულ ან თურქულ არჩვევნებს-ყველა დიდ ქალაქში ოპოზიცია იგებს, სოფლებსა და პატარა ქალაქებში კი ხელისუფლება.და ბოლოს, ნებისმიერი დემოკრატიული ქვეყნის კანონებით აკრძალულია უცხოური ჩარეშა არჩევნებში. ასე ღიად ალბათ არასდროს მომხდარა, რომ ერთი ქვეყნის უმაღლესი თანამდებობის პირი ჩასულიყო მეორე ქვეყანაში საარჩევნო კამპანიაში მონაწილეობის მისაღება. ეს გააკეთა ამერიკის ვიცე-პრეზიდენტმა. იშვიათია, რომ რომელიმე დემოკრატიული ქვეყნის პრეზიდენტს ოფიციალურად დაეჭიროს მხარი სხვა ქვეყნის არჩევნებში რომელიმე კანდიდატისათვის. უნგრეთის შემთხვევაში ჩეხეთისა და სლოვაკეთის პრემიერ-მინისტრებმა ზომიერი განცხადებებით ორბანს გამოუცხადეს მხარდაჭერა. რასაც ამერიკის შეერთებული შტატების ადმინისტრაცია სჩადის, მართლაც რომ უპრეცედენტოა. პრეზიდენტმა ტრამპმაც ოფიციალური წერილით დაუჭირა მხარი ორბანს, მოუწოდა მოსახლეობას მისთვის მიეცათ ხმა და სანაცვლოდ დაჰპირდა არნახულ ინვესტიციებს და უნგრეთის აყვავებას. ასე ღიად თავის დროზე პუტინმა დაუჭირა მხარი იანუკოვიჩს უკრაინის საპრეზიდენტო არჩევნებში. დემოკრატიული ქვეყნების ლიდერები თითქმის არასდროს იქცევიან ასე.
ტრამპის მხარდაჭერა არაფრის მომტანია ორბანისათვის, შეიძლება კიდევაც აკლებდეს ხმებს. მთავარი მხარდამჭერი ის ამომრჩეველია, რომელიც პროპაგანდისტული არხებით არის მოწამლული, რომელსაც სამსახურის დაკარგვის ეშინია და მმართველი პარტიისაგან ფულად თუ სხვა სიკეთეებსაც იღებს. ჩვენთვის ეს არჩევნები ამითაცაა მნიშვნელოვანი-დავინახავთ, თუ როგორ შეიძლება ფულისა და პროპაგანდის დამარცხება.
კომენტარები