“რა სამარცხვინო ხელისუფლება გვყავს… გამოცვლის გარდა არაფერი უშველის” – გიგა ბოკერია

ევროპული საქართველოს თავმჯდომარე, გიგა ბოკერია:

საქართველოს ნორმალური ხელისუფლება რომ ჰყავდეს, მისი ამოცანა უნდა იყოს აფხაზეთიდან, ცხინვალის რეგიონიდან გენოციდის და ეთნიკური წმენდის შედეგად გამოძევებული ქართველების დაბრუნების მხარდაჭერის გაზრდა და ამის მაგივრად ისინი ჩინეთს უხდიან მადლობას იმისთვის, რომ მან ისევე, როგორც მთელი ამ წლების განმავლობაში – 2009 წლიდან მოყოლებული თავი შეიკავა და არ დაუჭირა ამას მხარი. სხვათა შორის აღსანიშნავია, ერთი წელი იყო მარტო ივანიშვილის რეჟიმის დროს, როდესაც წინააღმდეგ მისცა ხმა 2022 წელს და ბოლო ორი წელია ისევ მხარს არ გვიჭერს. და აქედან ჩანს, რა სამარცხვინო ხელისუფლება გვყავს, რომელსაც გამოცვლის გარდა არაფერი უშველის.