ინფექციური პათოლოგიის და შიდსის ცენტრის გენერალური დირექტორმა, თენგიზ ცერცვაძე იმ შესაძლო სცენარის განვითარებაზე ილაპარაკა, რაც შეიძლება მოსახლეობის მხრიდან ვაქცინაციაზე უარის თქმას მოჰყვეს.
„ვაქცინაციისადმი მოსახლეობაში არსებული სკეპტიციზმი დროებითი იქნება“, – ამის შესახებ თენგიზ ცერცვაძემ „რუსთავი2“-ის ეთერში განაცხადა.
„თუ მოსახლეობა უარს იტყვის მასობრივ ვაქცინაციაზე, გვაქვს შემდეგი პერსპექტივა, რომ გაიზრდება შემთხვევებისა და გარდაცვლილთა რაოდენობაც. გვექნება ის ავადსახსენებელი მესამე ტალღა, რომელიც ზოგიერთ ქვეყანაში უკვე დაიწყო და დანარჩენი ქვეყნები ევროპასა და ამერიკაში ელოდებიან. ამას მოჰყვება ახალი შეზღუდვები, ლოკდაუნები, ეკონომიკის რეცესია, თითოეული ჩვენგანის ცხოვრების პირობების გაუარესება და ყველაფერი ის, რაც ძალიან მტკივნეულად გადავიტანეთ. ახლა მოსახლეობამ გააკეთოს არჩევანი. მე ძალიან დიდი იმედი მაქვს, რომ ჩვენი მოსახლეობა გამოიჩენს მისთვის ჩვეულ სიბრძნეს და რომ ეს სკეპტიციზმი, იქნება მხოლოდ დროებითი და უახლოეს მომავალში, უკვე მოსახლეობა გააკეთებს სწორ არჩევანს,“ – ამბობს თენგიზ ცერცვაძე.
კომენტარები