“რა კოზირები დაიჭირა ხელში პუტინმა ყაზახეთის მოვლენებით და რას მოიცავს ჩინეთის შეთავაზება?” – ხათუნა ლაგაზიძე

პოლიტოლოგი, ხათუნა ლაგაზიძე:

“რა კოზირები დაიჭირა ხელში პუტინმა ყაზახეთის მოვლენებით და ჩინეთის/შანხაის თანამშრომლობის ორგანიზაციის შეთავაზება ყაზახეთს დაახმაროს თავისი ანტიტერორისტული დანაყოფები:

1. ძალიან საინტერესოა ლოგიკური კავშირი, რატომ ახსენებს ჩინეთის ლიდერი ყაზახეთ-ჩინეთის მეგობრობა-თანამშრომლობის ძირის გამოთხრას ყაზახეთში მიმდინარე მოვლენების ანუ სტაბილურობის შერყევის და “ფერად რევოლუციების” კონტექსტში. რისი თქმა უნდა ამით სიძინპინს – ანუ რა კავშირებს ხედავს ყაზახურ ჯანყს ან შესაძლოა ამ ჯანყის შედეგად განვითარებულ მოვლენებს და ყაზახეთ-ჩინეთის ურთიერთობის ძირის გამოთხრას შორის?!

2. ამ კონტექსტში უაღრესად საინტერესოა კიდევ ერთი ნიუსი და ნიუანსი: შანხაის თანამშრომლობის ორგანიზაციამ, რომელიც რეგიონის ქვეყნების თანამშრომლობას უზურნველჰყოფს ეკონომიკისა და უსაფრთხოების სფეროში და რომელშიც წამყვან როლს ჩინეთი ასრულებს, ყაზახეთის ხელისუფლებას შესთავაზა, რომ დაახმარს თავის რეგიონალურ ანტიტერორისტულ სტრუქტურას. ძალიან მნიშნელოვანია, რა იქნება ყაზახეთის პრეზიდენტის პასუხი შანხაის ორგანიზაციის ანუ ჩინეთის ამ შეთავაზებაზე: მიიღებს თუ არა ის რუსეთის პარალელურად ჩინეთის დახმარებას და თუ მიიღებს როგორი და რა რაოდენობის იქნება ჩინური ანიტიტერორისტული ჯგუფის შემადგენლობა.

3. კიდევ ერთი უმნიშნელოვანესი ნიუანსი შანხაის თანამშრომლობის ორგანიზაციის ანტიტერორისტული ორგანოს განცხადებიდან არის შემდეგი: “ჩვენ ვიმედოვნებთ, რომ ყაზახეთის ხელისუფლება სწრაფად გაანეიტრალებს ბანდებსა და ტერორისტულ დანაყოფებსო”. ანუ ჩინეთიც ეთანხმება ყაზახეთის ხელისუფლების და რუსეთის ფორმულირებას, რომ ყაზახეთში მოქმედებენ ტერორისტული ჯგუფები და მიმდინარეობს ოპერაცია მათ გასაწმენდად. ყაზახეთის პრეზიდენტმა აკი განაცხადა რამდენიმე ათას ტერორისტზე. თავის მხრივ, პუტინის პრეს-მდივანმა დიმიტრი პესკოვმა განაგცხადა, რომ ოდკბ-ს (ანუ რუსეთის) ჯარები ყაზახეთში შევიდა საერთაშორისო ტერორიზმთან ბრძოლის მანდატითო. რუსული მედია, ტრადიციისამებრ ეძებს დასავლურ კვალს ყაზახეთში მიმდინარე პროცესებში.

4. ზემოთქმულიდან, ჯერ კიდევ ბევრი ბურუსით მოცული საკითხის პირობებში, ერთი რამ მაინც ნათელია: 2 დღეში დაგეგმილ რუსულ-ამერიკულ შეხვედრაზე რუსეთი მივა იმ არგუმენტებით, რომ ის ყაზახეთში საერთაშორისო ტერორიზმს ებრძვის თალიბანის ტერორისტული დანაყოფების სახით და ამით იცავს მთელს შუა აზიას ტერორიზმის დამაგრეველი გავრცელებისგან. ყაზახეთში განვითარებულ მოვლენებში ტერორისტთა ჯგუფების ჩართულობაზე აგერ შანხაის თანამშრომლობის ორგანიზაციაც საუბრობს, უფრო მეტიც, თავის ანტიტერორისტულ დანაყოფს სთავაზობს მათ გასანეიტრალებლად.

5. საქმე ის გახლავთ, რომ ობიექტურად, ყაზახეთში მეზობელი თალიბების ან მათ მიერ მომზადებული ადგილობრივი ჯგუფების არსებობას, დასავლეთიც ვერ გამორიცხავს. ჰოდა, მოითხოვს პუტინი თავისი ქმედებების და სამხედრო ყოფნის სრულ ლეგიტიმაციას მთელს შუა აზიაში ამერიკისგან და ცოტა მოგვიანებით ნატოსგან, რაც სერიოზული ფისქოლოგიური უპირატესობაა რუსეთისთვის 2 დღეში გასამართ მოლაპარაკებებზე.

https://eurasianet.org/what-does-china-make-of-the…

http://russian.news.cn/2022-01/07/c_1310413794.htm?fbclid=IwAR2EKRciDOnw1n3Lx2JOpZyRmEimvcC57QCphU7ZnfG44ld49N8ZhUjES-Q”