თბილისის საქალაქო სასამართლოში, მაგისტრატი მოსამართლის წინაშე, თავდაცვის ყოფილი მინისტრი, ირაკლი ოქრუაშვილი გამოკითხეს. პროცესის დასრულების შემდეგ ოქრუაშვილმა კომენტარი მედიასთან გააკეთა და განაცხადა, რომ ის არ აღიარებს არც პარლამენტს და არც ამ პარლამენტის საგამოძიებო კომისიას.
“თავი მეგონა საბავშვო ბაღში. რა სიტყვებით მოვიხსენიე მიხეილ ქარელი, მაგალითად, სოციალურ ქსელში, მეკუთვნის თუ არა კონკრეტულად რაღაც გვერდი სოციალურ ქსელში უშუალოდ მე, რა პოსტები მქონდა გამოქვეყნებული ბოლო პერიოდში კომისიასთან დაკავშირებით და ანალოგიური არასერიოზული კითხვები.
არანაირი ვალდებულება მე ე.წ. კომისიაში მონაწილეობის არ მქონია, იმიტომ რომ არ ჩამბარებია შესაბამისი წესით კომისიის მიერ მიღებული გადაწყვეტილება ჩემს დაბარებაზე. გადაწყვეტილება და არა წერილი. წულუკიანის წერილი არ ნიშნავს გადაწყვეტილებას. კომისიამ გადაწყვეტილება მიიღო, ჩემი საქმე გადაიგზავნა პროკურატურაში ერთსულოვნად კენჭისყრით. ანალოგიურად უნდა დავებარებინე მეც.
ახლა რაც შეეხება არაიურიდიულ არგუმენტებს – ცირკში სიარულის ასაკიდან დიდი ხანია გამოვედი. არანაირი კომისია არ არსებობს საპარლამენტო, ისევე როგორც, არ არსებობს პარლამენტი. ეს არის ჩემი პოზიცია” – განაცხადა ირაკლი ოქრუაშვილმა.
კომენტარები