რა ხდებოდა სასამართლოს ეზოში, განაჩენის გამოცხადების შემდეგ?
,,სასამართლოს ეზო
განაჩენების გამოცხადების შემდეგ სასამართლოს ეზოში ვდგავარ მარიზისთან (თორნიკე გოშაძის დედა) ერთად.
მარიზი ტირის და თან ხმამაღლა საუბრობს, ამ დროს მოდის ნანი (გიორგი მინდაძის დედა), ტირის, მარიზის ეხუტება სიტყვებით:
– არ შეგეშინდეს დაო, ჩვენი ბრძოლა ახლა იწყება.
დედამ, რომელმაც შვილის უკანონო განაჩენი იცის რა სიმწარე, ასე გაამხნევა დედა, რომელმაც რამდენიმე წუთის წინ მოისმინა უსამართლო განაჩენი.
სანამ ბიჭების სხდომაზე შევიდოდი, ჩეჩინის მეუღლე ვნახე ეზოში. ჩავეხუტე, გავამხნევე. ჩვენი დიალოგი
– არ შეგეშინდეს, ხომ იცი 8 წელი არ მოუწევს ციხეში ყოფნა
– ვიცი, მაგრამ მე იმის მეშინია მაგდენს თუ იცოცხლებს …
მოგვიანებით ნანიმ მითხრა, ჩეჩინის სიტყვებმა გამანადგურა, ასე თქვა ოპერაციაზე უარს ვიტყვი ამ უსამართლობაშიო !
მანამდე მანდატურის უფროსი თურმე პროცესებზე მისულ ხალხს ფიზიკურად ეხებოდა და ლეზბოსელებს ეძახდა!
სასამართლოში ხდება ეს ყველაფერი, დღეს 2025 წლის თბილისში !!! ჩვენს თვალწინ ადამიანობისგან სრულად დაცლილი პროცესებია !!!!” – წერს უფლებადამცველი მარიკა არევაძე
კომენტარები