თავდაცვის მინისტრმა, ირაკლი ღარიბაშვილმა პარლამენტში, სამინისტროს წლიური ანგარიშის წარდგენისას განაცხადა:
“წინა ხელისუფლებისგან მემკვიდრეობით ურთულესი უსაფრთხოების გარემო მივიღეთ და ყოველღიურად გვიწევს ბორდერიზაციის პრობლემასთან გამკლავება.
უმნიშვნელოვანეს გამოწვევას წარმოადგენს საქართველოს საზღვრების სიახლოვეს მაღალი სიზუსტისა და დიდი სიშორის სახმელეთო, საზღვაო და საჰაერო ბაზირების სარაკეტო კომპონენტების არსებობა, საქართველოს ოკუპირებულ ტერიტორიებზე განლაგებული საოკუპაციო ძალების სამხედრო ბაზები, კერძოდ, მე-4 და მე-7 სამხედრო ბაზები, რეგიონის გამალებული მილიტარიზაცია არღვევს ძალთა ბალანსს და საფრთხეს უქმნის რეგიონის უსაფრთხოების გარემოს.
გარდა ამისა, გამოწვევაა რეგიონში არსებული ე.წ. „გაყინული კონფლიქტების“ არსებობა, ასევე, სიახლოვე გლობალური ტერორიზმის კერებთან, კერძოდ, ახლო აღმოსავლეთის რეგიონი საფრთხეს უქმნის რეგიონის სტაბილურობას“ – განაცხადა თავდაცვის მინისტრმა.
„ევროპული საქართველო“ და „ნაციონალური მოძრაობა“ ბოიკოტს განაგრძობენ და თავდაცვის მინისტრის წლიურ ანგარიშს პროტესტის ნიშნად არ ესწრებიან.
წინა ხელისუფლებისგან რა მიიღეთ, ბატონო ირაკლი, “ალიას” მკითხველმა კარგად იცის, თქვენ ის გვითხარით, ბოლო 8 წლის მანძილზე, რამდენ საკითხზე სცადეთ მოლაპარაკება, რატომ ვიგებთ ბორდერიზაციის შემთხვევებზე სამოქალაქო აქტივისტებისგან და სახელმწიფო უწყებები რატომ არიან ჩუმად, რატომ არ ჩადიხართ ხშირად საოკუპაციო ხაზთან სოფლებში, რატომ არ ეხმარებით ამ სოფლებს, რატომ გაუშვით სამსახურიდან ჯარისკაცი, რომელიც “ანტისაოკუპაციო მოძრაობაში” გაერთიანდა და ა.შ. უამრავი კითხვაა.
კომენტარები