ჟურნალისტი ვიკა ბუკია:
,,რ2-ის, იმედის და პოსტვ ჟურნალისტები არიან ჩემთვის კრიმინალები. ცუდი ჟურნალისტებიც კი არ არიან, უბრალოდ ამ პროფესიასთან არანაირი კავშირი არ აქვთ, დანაშაულის თანამონაწილეები არიან.
მაგრამ ეს პოსტი მათზე არაა. პოსტი იმ “ტექნიკურ” ტიპებზეა, ვინც ვერ გაიაზრა, რომ ისინიც დამნაშავეები არიან.
ერთხელ ნინია კაკაბაძემ ანდროს სასამართლო პროცესზე გათათხა იმედის ოპერატორი. და იცით რა მოხდა? ერთ-ერთი კრიტიკული მედიის ოპერატორი გამოსარჩლა: ოპერატორს რას ერჩითო, ეგ ხომ თავის საქმეს აკეთებსო და რასაც დაავალებენ იმას აკეთებსო. გავსულელდი მეთქი რომ გითხრათ, მოგატყუებთ. ხშირად მსმენია ეს ბოდვა.
ანუ ტიპებს რა გონიათ? მარტო ჟურნალისტია პასუხისმგებელი იმაზე რაც ეთერში გადის? ვინ გითხრათ ეს? სიუჟეტს აკეთებს ჟურნალისტი, ოპერატორი და მემონტაჟე. ანდრო რომ დაიჭირეს, მანქანაში არ სვამდნენ. იცით რატომ? პოლიციელები ელოდებოდნენ იმედის ოპერატორს. მოვიდა, გადაიღო ხელბორკილდადებული ანდრო და მორჩა. ასე დაიწყო სრულიად კეთილსინდისიერი უდანაშაულო მსახიობის გაშავება. წარმოიდგინეთ როგორ შეზრდილია სისტემა ტელევიზიასთან, რომ დაურეკეს იმედის ოპერატორს და გადააღებინეს.
რას ნიშნავს რასაც დაავალებენ – აკეთებს? ეს რა მონური დამოკიდებულებაა საკუთარი პროფესიის მიმართ. ანუ რადგან არ ლაპარაკობთ და მხოლოდ იღებთ და ამონტაჟებთ – გგონიათ ნაკლები დანაშაული მიგიძღვით? ანუ უდანაშაულო იუმორისტს, რომ კამერას უშვერ და გამოგონილი ტექსტი ადევს ზედ – დიახაც, დამნაშავე ხარ.
დიახაც, თქვენ უღებთ უდანაშაულო ადამიანებს და გამოგყავთ ისინი დამნაშავეებად. დიახაც, თქვენ ამონტაჟებთ და ისე აწყობთ კადრებს, რომ გამოგყავთ პატიონსანი ხალხი დამნაშავეებად. და თქვენი ნანახი კადრები ტრიალებს, ტრიალებს როგორც ნაღმები, რომელიც ფეთქდება და ანადგურებს ადამიანებს.
გრცხვენოდეთ ყველას ვინც იქ მუშაობთ – მემონტაჟეებიდან დაწყებული, ოპერატორებით დასრულებული.“
კომენტარები