ქვე­ყა­ნა დიდ­ხანს ვერ დამ­შვიდ­დე­ბა. სიმ­შვი­დე არ­ცაა იდე­ა­ლი, მაგ­რამ მნიშ­ვნე­ლო­ვა­ნია, რას მო­ი­ტანს მღელ­ვა­რე­ბა – ნათია ფანჯიკიძე

28 მა­ისს, პარ­ლა­მენ­ტმა “უცხო­უ­რი გავ­ლე­ნის გამჭვირ­ვა­ლო­ბის შე­სა­ხებ“ კა­ნონპ­რო­ექ­ტზე პრე­ზი­დენ­ტის ვეტო დაძ­ლია. ფრაქ­ცია “ქარ­თუ­ლი ოც­ნე­ბის“ მიერ წარ­დგე­ნილ და სა­ლო­მე ზუ­რა­ბიშ­ვი­ლის მიერ ვე­ტო­და­დე­ბულ პრო­ექტს 84 ხმით და­უ­ჭი­რეს მხა­რი. მომ­ხდარს ეხ­მა­უ­რე­ბა ფსი­ქო­ლო­გი ნა­თია ფან­ჯი­კი­ძე.

რა მოხ­და კარ­გი? – ჯენ ზი გა­ი­ზარ­და და და­ფიქ­სირ­და, არა რო­გორც აპა­თი­უ­რი, ქვეყ­ნის მოვ­ლე­ნე­ბის­გან იზო­ლი­რე­ბუ­ლი, არა­მედ აქ­ტი­უ­რი თა­ო­ბა. ამის და­ნახ­ვა, მათი “ერად” თავ­მოყ­რა ყვე­ლა მღელ­ვა­რე­ბად ღირ­და. აღ­მოჩ­ნდა, რომ გაგ­ვიზ­რდია ეროვ­ნუ­ლი, გე­მოვ­ნე­ბი­ა­ნი, მზრუნ­ვე­ლი, ლა­მა­ზი, გა­ნათ­ლე­ბუ­ლი ადა­მი­ა­ნე­ბი. რა მოხ­და თვალ­სა­ჩი­ნო? – ოპო­ზი­ცი­ის და ლი­დე­რე­ბის გა­რე­შე ერს აქვს სა­ერ­თო სა­მო­ქა­ლა­ქო პო­ზი­ცი­ის ჩა­მო­ყა­ლი­ბე­ბის უნა­რი. ახა­ლი თა­ო­ბა და­მო­უ­კი­დე­ბე­ლია ბე­ლა­დის კულ­ტის­გან და გარ­ჩე­ვა შე­უძ­ლია, თვი­თონ რა უნდა.

მთავ­რო­ბის­გან რა იყო მო­უ­ლოდ­ნე­ლი? – არა­ფე­რი. ტრა­დი­ცი­უ­ლად იქ­ცე­ვი­ან, რო­გორც სხვა პოსტსაბ­ჭო­თა მთავ­რო­ბე­ბი იქ­ცე­ოდ­ნენ ხე­ლი­სუფ­ლე­ბა­ში დიდ­ხანს შე­მორ­ჩე­ნის შემ­დეგ – უამ­რა­ვი მო­ქა­ლა­ქის იგ­ნო­რი­რე­ბა, “სხვე­ბის” მთავ­რო­ბად ყოფ­ნა­ზე უა­რის თქმა, ერის გახ­ლე­ჩა და ასო­ბით ათა­სი ადა­მი­ა­ნის მტრად გა­მო­ცხა­დე­ბა, ხალ­ხთან დი­ა­ლო­გის უუ­ნა­რო­ბა და ძა­ლა­დო­ბით “მოგ­ვა­რე­ბა”.

რა მოხ­და ცუდი – ჯერ არა­ფე­რი. ცუდი მოხ­დე­ბა, თუ ევ­რო­კავ­ში­რი გა­და­წყვეტს დე­მონ­სტრი­რე­ბას, რამ­დე­ნად დიდი როლი აქვს ქვეყ­ნის მდგრა­დო­ბა­ში და ეკო­ნო­მი­კურ თუ დარ­გობ­რივ წინსვლა­ში, გაგ­ვი­უქ­მებს უვი­ზო რე­ჟიმს, შე­წყვეტს სხვა­დას­ხვა სფე­როს გან­ვი­თა­რე­ბა­ში დახ­მა­რე­ბას.

რა ელის ჩვენს ყო­ველ­დღი­უ­რო­ბას – ქვე­ყა­ნა დიდ­ხანს ვერ დამ­შვიდ­დე­ბა. სიმ­შვი­დე არ­ცაა იდე­ა­ლი, სიმ­შვი­დე თა­ნა­ტო­სის, სიკ­ვდი­ლის ენერ­გი­აა, მაგ­რამ მნიშ­ვნე­ლო­ვა­ნია, რას მო­ი­ტანს მღელ­ვა­რე­ბა.