ქუთაისი-ლენტეხი-უშგულის საავტომობილო გზაზე ხუთ მონაკვეთზე მეწყერი ჩამოწვა. მოძრაობა აკრძალულია სოფელ საყდართან. სტიქიის ზონაში ჩარჩენილი ტურისტები უსაფრთხო ადგილამდე გუშინვე გამოიყვანეს. მიუხედავად ინტენსიური ნალექისა, შესაბამისი ტექნიკა სამუშაოებს ადგილზე მაინც ახორციელებს.
“ცენტრალურ საავტომობილო გზაზე ქუთაისი-ლენტეხი-მესტიის მიმართულებით 93-ე გზაზე მთლიანად ხიდია წაღებული და ამ ეტაპზე მოძრაობა გადაკეტილია. ამ ეტაპზე, უკვე 5 მეწყერია ჩამოსული. საავტომობილო გზების დეპარტამენტმა მოახდინა ოპერატიულად ტექნიკის მობილიზება, დილიდან უკვე დაიწყო სამუშაოების განახლება. საბედნიეროდ, მსხვერპლი არ არის. მოსახლეობის ნაწილში საცხოვრებელ სახლებს არ შეხებია“, – აცხადებს რაჭა-ლეჩხუმ-ქვემო სვანეთის სახელმწიფო რწმუნებულის მოადგილე ბერდია ჩანქსელიანი.
კომენტარები