ინაგან საქმეთა სამინისტრომ და გენერალურმა პროკურატურამ ქურდული სამყაროს წინააღმდეგ მორიგი სპეცოპერაცია ჩაატარა. დაკავებულია ოთხი პირი, რომელთაც ბრალი ქურდული სამყაროს წევრობასა და „კანონიერი ქურდისთვის“ მიმართვაში ედებათ.
შსს-ს ავრცელებს ფარულ სატელეფონო ჩანაწერს, სადაც „კანონიერი ქურდის“ რუსლან გეგეჭკორის სახელი ფიგურირებს. ჩანაწერით ირკვევა, რომ რუსლანს ფული წაართვეს და გამწარებულია.
“- ქურდული როგორ უნდა, აწი მე მანახე, ამათ მოვუტ@ან დედის მუ@@ელი…
-ქურდებთან რომ იმხელა ფული წავიდა, მაგას არ უნდა დააკლდეს?
-მაგას “ვაბშე” დააკლდება ყველაფერი ცოტა ხანში
-წარამარა რეკავს…
-ვინ არის მაგის ბიძაშვილი?
-ქურდია.
-ვინ?
-რუსლანი
-ეგ ფული რომ წაართვი მაგაზეა გამწარებული?
-ქურდები რომ ჩარიოს, მე ვარ “ატვეჩაი”
ვინ არის რუსლან გეგეჭკორი?
32 წლის რუსლან გეგეჭკორს კრიმინალურ წრეებში „შლიაპა უმცროსის“ სახელით იცნობენ. გავლენიანი „კანონიერი ქურდი“ გახლავთ მამამისი, როლანდ გეგეჭკორი, იგივე „შლიაპა“.
„კანონიერი ქურდები“ იყვნენ რუსლან გეგეჭკორის ბიძა და ბაბუაც (რაულ გეგეჭკორი და ნოე გეგეჭკორი).
თავად რუსლან გეგეჭკორმა ე.წ. ქურდის „ტიტული“ 2014 წელს 27 წლის ასაკში მიიღო. ბოლოს ის რუსეთში დააკავეს და 2018 წელს ქვეყნიდან გააძევეს.
ფარულ ჩანაწერში ნახსენებია კიდევ ერთი „კანონიერი ქურდი“ გვარად ჭარაია. საუბარია თენგიზ ჭარაიაზე, რომელსაც კრიმინალურ წრეებში „თენგო გალსკის“ სახელით იცნობენ. ბოლო სამი წლის განმავლობაში ჭარაია უკრაინის ტერიტორიაზე ოთხჯერ დააკავეს და ყველა ჯერზე ქვეყნიდან გააძევეს.
კომენტარები