“ენმ”-ის თავმჯდომარე, ნიკა მელია, რომელიც ბათუმში იმყოფება:
“ეს ხელისუფლება არის მკვლელი, არ ვერიდები ამის თქმას, მკვლელია და აღარაფერი დარჩა გარდა ამ ზონდერ პოლიციელებისა… როდემდე იდგებიან? ჩამოიშლებიან…
აქვთ წინასაარჩევნოდ აღებული ვალდებულებების გასტუმრების დრო, მათი ჭკუით… მოკრიმინალო ელემენტებს, სხვადასხვა ადამიანებს დაპირდნენ სიკეთეებს, ხელფასების მატება, დანამატები და ამ ყველაფრის სისრულეში მოყვანას ემსახურებოდა ბიუჯეტის ასე მიღება…
ეს რეჟიმი ძალიან ახლოს არის მარცხთან. მესმის, რომ ბევრ ჩვენ მოქალქეს უნდა ეს რეჟიმი 1 საათში დაეცეს, ნახევარ საათში, 20 წუთში, 15 წუთში, მეც ძალიან მინდა რომ 5 წუთში დაეცეს. მე რასაც ვაკვირდები, ეს რეჟიმი ეცემა, არაძალადობრივი ბრძოლით, ისე რომ სისხლი არ დავღვაროთ. რეჟიმი სულ უფრო და უფრო მოშიშვლებულია. მე არც თარიღს ვამბობ, არც კონკრეტულ ვადას, რასაც ვამბობდი, იგივეს ვამბობ, ბრძოლა იქნება გამარჯვებამდე, ვისაც უნდა ჩათვალოს, რომ უკანასკნელ ამოსუნთქვამდე, ვისაც უნდა ჩათვალოს, რომ სახლში შეუსვლელად, ბრძოლა იქნება უწყვეტი და დარწმუნებული ვარ, შედეგს გამოიტანს. ბათუმელების 60 პროცენტზე მეტმა მისცა ოპოზიციას ხმას – როდესაც ვამბობ, რომ არჩევნები გაუქმდა, არ არის ეს გაუქმება? სახეზე გვაქვს ხმათა რაოდენობა და აკეთებენ მაინც იმას, რაც მათ სურთ.
დემოკრატია როდესაც არ მუშაობს, ქუჩა მოდის, დიახაც ნუ მოვერიდებით, ქუჩა მოდის მთელი თავისი სიძლიერით მოქმედებაში, ქუჩა, სადაც არაძალადობრივად წყდება ოლიგარქის მიერ მიტაცებული ქვეყნის ბედი. ასე იყო მთელ მსოფლიოში და ასე იქნება აქაც. როდესაც ამას კადრულობ, მთელი საქართველო აუცილებლად იწყებს ბრძოლას ქუჩიდან არაძალადობრივი მეთოდებით.
დღეს ვაპირებთ საუბარს ჩვენ თანამბერძოლებთან, რა კონკრეტული ნაბიჯები უნდა გადაიდგას აჭარაში, ბათუმში, მთლიანად ქვეყანაში. მე გეგმა პირველივე დღიდანვე განვაცხადე – ეს არის ბრძოლა ბოლომდე.
კომენტარები