ფილოსოფოსი ლევან ღამბაშიძე:
„რეჟიმის მიერ კრიმინალთან ბრძოლის თაობაზედ:
ა) მოარული ხმების მიხედვით, ქოლცენტრებში მუშაობს 80 000-მდე ახალგაზრდა. ყველა მათგანი სჩადის დანაშაულს. ვის იჭერს რეჟიმი? ყველას, ვისთანაც მას პირადი უთანხმოება აქვს. მუხლი: ქოლცენტრებთან კავშირი.
და თავად ქოლცენტრები? რამდენი ვიდეო ნახეთ როგორ შედის სუსი ქოლცენტრებში? რამდენი ათეული ახალგაზრდა ნახეთ ბორკილებდადებული? როგორ შეიძლება ადამიანი დაიჭირონ რარაცასთან კავშირის გამო და არ გაჩვენონ ის რაღაცა? ქოლცენტრი თუ არ არსებობს, ამ ხალხს რატომ იჭერენ და თუ არსებობს, სად არის ათეულობით თაღლითის დაკავებისა და ოფისების დალუქვის ვიდეომასალა?
არალი.
ბ) სასამართლოს, ბადრაგისა და პოლიციელის შეურაცხყოფის გამო, მასწავლებლები და აქტივისტები რომ ციხეებში უზით, გუშინ სასამართლოს ეზოში დაჯგუფებებს შორის გარჩევა რომ იყო, რატომ ითამაშა მილიციამ გამცილებლის როლი და ქმედითი ნაბიჯები რატომ არ მიიღო? მასწავლებელს რომ ბადრაგისთვის წინააღმდეგობის გაწევა არ შეარჩინა, დაჯგუფების წევრებს სასამართლოს ეზოში ჩხუბი რატომ გაუტარა?
გ) ლექსო ლაშქარავას საქმე ორ დღეში როგორ გახსნა რეჟიმმა? ყველა კამერა როგორ ამოიღო ერთ დღეში? ალეკო ელისაშვილის გადაადგილება როგორ გვაჩვენა ორ დღეში? პოლიციელების მიერ ოპოზიციურად განწყობილი ადამიანების შევიწროების შემდეგ, როგორ აღმოჩნდება რომ ყველა სამხრე კამერა გამორთული იყო, არცერთი ქუჩის კამერა არ მუშაობდა და მაღაზიებისა თუ კერძო პირების სახლებზე დამონტაჟებული ყველა კამერის მასალა 24 საათზე მეტ ხანს ვერ ახერხებს ჩანაწერს? და როგორ მოხდა, რომ 2021 წელს მომხდარი მკვლელობის ამსახველი ყველა დეტალი 2025 წელს გახდა ხელმისაწვდომი პროკურატორისთვის? ოთხი წელი ეგ კადრები ვის ჰქონდა და თუ ჰქონდა, მალავდა ხო? ანუ, ფაქტიურად გახსნილი საქმე ედოთ წინ და ოთხი წელი არ ხსნიდნენ ხო?
ხოდა არ არსებობს ამ ქვეყანაში სამართალი. აქ არსებობს უსამართლობა, რომელსაც რეჟიმი სჩადის თავისი მოქალაქეების მიმართ და სამართალი, არის მხოლოდ ხელსაწყო, რომელსაც ის მხოლოდ მაშინ იყენებს, როდესაც პოლიტიკური მიზნების მიღწევა უნდა. არა და სამართალი პოლიტიკაზე არ უნდა იყოს დამოკიდებული. პოლიტიკა უნდა წარმოებდეს სამართლის პრონციპებზე დაყრდნობით.“
კომენტარები