“ყველაზე მძიმე პაციენტი იყო, ლეტალურ შედეგს ველოდით და გამოჯანმრთელდა”

ქალი, რომელიც ყველაზე მძიმე პაციენტად მოიხსენიებოდა, დღეს კლინიკიდან გაეწერება – ამის შესახებ ინფორმაციას საუნივერსიტეტო კლინიკის დირექტორმა ლევან რატიანმა ჟურნალისტებთან საუბრისას განაცხადა.

„გუშინ გავაკეთე განცხადება, რომ ჩვენს კლინიკაში იწვა ყველაზე მძიმე პაციენტი მთელი საქართველოს მასშტაბით, ეს იყო ქალბატონი. ის იყო დამძიმებული ანამნეზით და 97%-ით ეს შემთხვევა უნდა დასრულებულიყო ლეტალურად, მაგრამ ასე არ მოხდა და ეს არის კიდევ ერთი ქართული მედიცინის გამარჯვება და ქალბატონი გამოჯანმრთელებული დაუბრუნდება დღეს სახლს. ეს რა თქმა უნდა კლინიკის მედპერსონალის დამსახურებაა“