„ყველაზე მძიმე არჩევნები იყო პირადად ჩემთვის იმიტომ, რომ ამდენი შეურაცხყოფა, ცილისწამება, ტალახი, თუ კი რამე სიბინძურის გაფიქრება შეუძლია ადამიანს გონებაში, ყველაფერი იკადრეს ჩემ წინააღმდეგ, ჩემი ოჯახის წინააღმდეგ, – ამის შესახებ თბილისის მერმა კახა კალაძემ ტელეკომპანია „იმედის” ეთერში განაცხადა.
მიუხედავად ამისა, კალაძეს უხარია, რომ საკუთარ გუნდთან ერთად მოახერხა, საარჩევნო კამპანია დადებით კონტექსტში ეწარმოებინა.
თბილისის მერმა ასევე 2022 წლის გეგმებსა და მიზნებზეც ისაუბრა და თქვა, რომ „ერთად ხელიხელჩაკიდებულებმა ყველაფერი ისე უნდა გავაკეთოთ, რომ ევროპული დედაქალაქი და საბოლოო ჯამში, ევროპული ქვეყანა მივიღოთ”.
„ყველაზე მძიმე არჩევნები იყო პირადად ჩემთვის იმიტომ, რომ ამდენი შეურაცხყოფა, ცილისწამება, ტალახი, თუ კი რამე სიბინძურის გაფიქრება შეუძლია ადამიანს გონებაში, ყველაფერი იკადრეს ჩემ წინააღმდეგ, ჩემი ოჯახის წინააღმდეგ. მიხარია, რომ ჩემს გუნდთან ერთად მოვახერხე საარჩევნო კამპანია მეწარმოებინა დადებით კონტექსტში.
2022 წელი იქნება საინტერესო, აღმშენებლობის თვალსაზრისით. ცხადია ვაპირებთ იმის გაკეთებას, რა დაპირებებიც გავეცით. ეს მხოლოდ ერთი წლის განმავლობაში ვერ გაკეთდება, ამას გარკვეული დრო სჭირდება. თუმცა 2020 წელი ინება ის წელი, როდესაც ჩვენ დავიწყებთ ამ პროექტების განხორციელებას. ახალი შემართებით, ახალი ენერგიით უნდა მივხედოთ ჩვენს ქალაქს, უნდა მივხედოთ ჩვენს ქვეყანას. ერთად ხელიხელჩაკიდებულებმა გავაკეთოთ ყველაფერი ისე, რომ ევროპული დედაქალაქი და საბოლო ჯამში, ევროპული ქვეყანა მივიღოთ”, – განაცხადა კახა კალაძემ.
კომენტარები