ყველა მითითება დაივიწყეს და ჩვენ უნეტარესს და უწმინდესს შეახვედრეს ჯანმოს დელეგაცია – ზაზა წერეთელი

ნორვეგიის სამეფოს ჯანდაცვის სამინისტროს უფროსი მრჩეველი, ზაზა წერეთელი, სოციალურ ქსელში, წერს:

“ძალიან აღშფოთებული!!!

მსოფლიოს ჯანდაცვის ორგანიზაცია მუდმივად მიუთითებს ყველას რომ აუცილებელია დავიცვათ ჩვენი ასაკოვანი მოქალაქეები. ჯანდაცვის სამინისტროებიც, მუდამ ამას უჩიჩინებენ მოსახლეობას, მაქსიმალურად ეცადეთ მოერიდოთ ვიზიტებს ასაკოვან ხალხთანო. ორივე ერთად იმასაც გვიჩიჩინებს რომ ხალხმრავალი შეკრებები არ არის მისაღები

და ჰოიდა საოცრება, ყველა ეს მითითება უეცრად დაივიწყეს და ჩვენს უნეტარესს და უწმინდესს, სრულიად კათოლიკოს პატრიარქს შეახვედრეს თურმე ევროპის ჯანმოს ოფისი ხელმძღვანელი და მისი დელეგაცია (ახლა ვნახე სურათები)

ნეტავ ერთხელ მაინც თუ დაფიქრდნენ, რამდენად სარისკოა ჩვენი უწმინდესის, რომელიც ასაკშია და აქვს სხვადასხვა დაავადება, შეხვედრა ამდენ უცხო ადამიანთან, რომელიც ამავე დროს უამრავ სხადასხვა ქვეყანაში მოგზაურობს და უამრავ ადამიანს ხვდება ვინც კოვიდ პანდემიის დროს წინა ხაზზეა (ექიმები)

ნამდვილად ვერანაირად ვერ ვხსნი ასეთ ინიციატივას და გადაწყვეტილებას… არაფერს ვამბობ ამ შეხვედრის აუცილებლობაზე. იქნებ ზოგჯერ ქვეყნის ინტერესები, ჩვენი უწმინდესის და უნეტარესის ჯანმრთელობა და ზოგადად საქართველოს მოქალაქის ჯანმრთელობა დავაყენოთ “მობრძანდით, პაჟიალუსტა” თვისებების წინ”