„ყოველი ღამე წინაზე საშინელია“ – რას წერს კოვიდინფიცირებული თინა ხიდაშელი

კორონავირუსით ინფიცირებული თინა ხიდაშელი Facebook-ის გვერდზე საკუთარი მდგომარეობის შესახებ წერს.

„ყოველ დილით იმედით ვახელ თვალს, რომ მოვიწერო – გადავიარე, მაგრამ ჯერ არ გამოდის. ისევ ჯოჯოხეთის პირზე ვარ, რაღაც ძალა ჩასაჩეხად დამდევს, თმაში ჩაჭიდებული. ყოველი ძვალი, კუნთი წაიღო. ყოველი ღამე წინაზე საშინელია, ყოველი დღე – წინაზე მძიმე. ესაა… დათო უკეთაა, დედაც, ბიჭებიც. აქ კალენდარი არ მუშაობს, 10, 12, 14 დღეა უკვე და ჯანგბადი უბრალოდ არ არის. არ ვიცი, საიდან მოვა“ – წერს თინა ხიდაშელი.

თინა ხიდაშელსა და მის მეუღლეს, დავით უსუფაშვილს კორონავირუსი 18 თებერვალს დაუდასტურდათ.