ყოფილი პოლიციელი გიორგი ირემაშვილი ყვება, რა მეთოდებით უსმენს სუს-ი მოქალაქეების ტელეფონებს და როგორ ამონტაჟებენ მოწყობილობებში მოსასმენ “ვირუსს” – ამის შესახებ მან მისმინეში, ეკა კვესიტაძესთან ინტერვიუში ისაუბრა
“აპლიკაციებს რაც შეეხება, WhatsApp იქნება, Signal თუ სხვა. კი, Signal უფრო მეტად დაცულია მაგრამ საქმე იმაშია, რომ შენი გაჯეტი უნდა ჩაუვარდეს ოტოს თანამშრომელს, იქნება ეს აიპადი, ტელეფონი, ლეპტოპი თუ სხვა, ფიზიკურად უნდა ჩაუვარდეს ხელში. ხშირად აკეთებენ ხოლმე ეგრე – მაგალითად, ვიღაც გადის აეროპორტში, სადღაც მიფრინავს, მესაზღვრე ეუბნება, მოდი შენი “ბაგაჟი” დამიტოვე აქ, ცოტა ხანი უნდა დავტოვოთ ან რაღაცა ის არის… მერე ამ “ბაგაჟთან” შენს ტელეფონს ან აიპადსაც დაგატოვებინებენ. […] როგორც კი ის თვალყურს მოაშორებს და ცოტა გვერდზე გაიყვანენ, ეს აიპადი ხო აქ რჩება, აქვე არის უკვე წინასწარ გამზადებული, იციან, რომ ეს მიფრინავს, წინასწარ გამზადებული თანამშრომელი იქ ელოდება, ორი წუთი სჭირდება, რომ ეს აიპადი დააპლუსოს, ერთი სიტყვით – დაავირუსოს, რომელსაც მერე პარალელურ რეჟიმში უყურებს. შენ რეკავ, გუგლავ, Youtube-ს უყურებ, მესიჯს წერ აპლიკაციაში ვიღაცას თუ რას აკეთებ ტელეფონში, პარალელურად ესენი უყურებენ ყველაფერს… ან რომელიღაც უწყებაში დაგიბარებენ და გეტყვიან, რომ შესვლა არ შეიძლება ტელეფონით, მოდი აქ უჯრაში ან სპეციალურ კარადაში დატოვე. შენ ახვალ სადღაც, იქვე გამზადებულია ყველაფერი, გააღებენ იმ კარადას, ორი წუთი უნდა და დაგივირუსებენ, დაგიტოვებენ კარადაში. შენ გამოდიხარ, კარადიდან იღებ ტელეფონს და ეს უკვე დაპლუსებულია… ” – ამბობს ის
ამავე პოდკასტში მან გაიხსენა ფაქტი, როდესაც TV იმედის ერთ კონკრეტულ ჟურნალისტთან ერთად მისი გარემოცვიდან 30-მდე ადამიანსაც უსმენდნენ. ირემაშვილის თქმითვე, აღნიშნული კრებსები ანზორ ჩუბინიძის ხელით ბიძინა ივანიშვილამდე მიდის(,,მთავარი)
კომენტარები