უკრაინის რუსეთზე გამარჯვების შემდეგ, პრეზიდენტი ვოლოდიმირ ზელენსკი, პირველ რიგში, დეოკუპირებულ ყირიმში გამგზავრებას გეგმავს. ამის შესახებ ჩეხურ ერთ-ერთ ინტერვიუში განაცხადა.
„ყირიმში წავალ, ძალიან მინდა ზღვის ნახვა“, – აღნიშნა უკრაინის პრეზიდენტმა.
ჟურნალისტის დაზუსტებაზე, როდის მოხდება ეს, ზელენსკიმ უპასუხა, რომ „ზამთარში არ მოხდება“.
„რა გავაკეთო ზღვაზე ზამთარში? მაშინ წავალ, როდესაც უფრო თბილი ამინდი იქნება“, – განაცხადა უკრაინის სახელმწიფოს მეთაურმა.
ზელენსკის ასევე ჰკითხეს, მოელის თუ არა უკრაინის გამარჯვებას მომავალ ზაფხულს.
„მე მსურს ეს. ჩვენ გვექნება ჩვენი გამარჯვება“, – უპასუხა უკრაინის პრეზიდენტმა.
კომენტარები