ყაზახეთის პრეზიდენტი ყასიმ ჟომართ თოყაევი აცხადებს, რომ ქვეყანაში მომხდარი არეულობა სახელმწიფო გადატრიალების მცდელობა იყო.
მისი თქმით, ხელისუფლებამ შეასრულა მომიტინგეების სოციალურ-ეკონომიკური და პოლიტიკური მოთხოვნები, ამის შემდეგ კი “შეიარაღებული ბოევიკების ჯგუფებმა” კონსტიტუციური წესრიგისთვის ძირის გამოთხრა სცადეს.
ამ დროისთვის, არეულობების შედეგად დაკავებულთა რიცხვმა 8 ათასს მიაღწია. ინფორმაციას ამის შესახებ ფრანგული გამოცემა Le Figaro ყაზახეთის შინაგან საქმეთა სამინისტროზე დაყრდნობით ავრცელებს.
„10 იანვრის მდგომარეობით, შინაგან საქმეთა სამინისტროს მიერ 7 939 პირია დაკავებული“, – ნათქვამია უწყების განცხადებაში.
ყაზახეთის ჯანდაცვის სამინისტრო იუწყება, რომ ქვეყანაში ბოლო დღეების განმავლობაში არეულობის შედეგად 164 ადამიანი დაიღუპა. ყაზახეთში 10 იანვარი გლოვის დღედ გამოცხადდა.
კომენტარები