ქავთარაძის საველე ჰოსპიტალში კორონავირუსით ინფიცირებული 76 წლის კაცი გარდაიცვალა. მისი გარდაცვალების მიზეზი გულის უეცარი გაჩერება გახდა. პაციენტს დროულად გაეწია რეანიმაციული დახმარება, თუმცა მისი გადარჩენა ვერ მოხერხდა.
„სტაციონარში მკურნალობას აგრძელებს 87 პაციენტი. მორიგეობის განმავლობაში 2 პაციენტი გავწერეთ, 2 რეფერალურ სტაციონარში გადავიყვანეთ, 1 კი გარდაიცვალა. პაციენტს გაუჩერდა გული, დაუყოვნებლივ დავიწყეთ რეანიმაციული ღონისძიებები, თუმცა გულის რიტმის ამუშავება ვერ მოხერხდა“, – აცხადებს ქავთარაძის კოვიდდეპარტამენტის კოორდინატორი მერაბ ჩიქოვანი.
კომენტარები