“ქართველები მიდიან, უცხოელები მოდიან” – საქსტატის ახალი მონაცემი

ყოფილი პარლამენტარი, რომან გოცირიძე:

2026 წლის 1 იანვარის მდგომარეობით, წინა წლის შესაბმის პერიოდთან შედარებით, საქსტატის მონაცემებით საქართველოს მოსახლეობა 0,3 პროცენტით გაიზარდა და შეადგინა 3,941 ათასი ადამიანი. ეს იმას ნიშნავს, რომ მოსახლეობა გაზრდილა 18 ათასი კაცით. როგორ მოხდა ეს, მაშინ, როცა ამავე პერიოდში დაფიქსირდა უარყოფითი ბუნებრივი მატება(-6452 ადამიანი) ანუ უფრო მეტი გარდაიცვალა ვიდრე დაიბადა, აგრეთვე ათასობით საქართველოს მოქალაქემ დატოვა ქვეყანა? ამ უკანასკნელთა რაოდენობის ზუსტი რიცხვი ზაფხულში გახდება ცნობილი.

მოსახლეობის ზრდის მიზეზი არის იმიგრაცია. საქართველოს მოქალაქეები ქვეყნიდან გადიან, უცხოელები შემოდიან და აქ მკვიდრდებიან ემიგრანტის სტატუსით. მხოლოდ ერთ წელიწადში მათმა რაოდენობამ რამდენიმე ათეული ათასით მოიმატა. ზუსტი რიცხვი გვეცოდინება მას შემდეგ, რაც გამოქვეყნდება მიგრაციის მაჩვენებელი მოქალაქეობის გათვისწინებით.