ჟურნალისტი, ირაკლი ტაბლიაშვილი:
“ქართული ოცნება! ყველაზე დასავლური ძალა საქართველოში! ყველაზე პროგრესული და მშვენიერი! პირმშვენიერი! გულმშვენიერი!
აგე, ელექტრონულად ჩავატაროთ არჩევნებიო… გვაუწყეს! და აფერუმ! ყოჩაღ! კარგია!
თუმცა… ამ მშვენიერი ძალის მშვენიერ ინიციატივას ერთი არსებითი თვალთმაქცობა ახლავს! ის ელექტრონულად ხმის დათვლას გულისხმობს და არა თავად არჩევნებს!
ზინამ და ნათელამ კი არა, პროგრამამ დაითვალოსო! ამას ამბობს მშვენიერი ოცნება!
არადა, მშვენიერება იქნებოდა არა მხოლოდ დათვლა, არამედ, ხმის მიცემაც! ხმის მიცემა თუ თვალთმაქცურია, კალკულატორი დაითვლის ხმებს, ექსელი თუ რომელიმე სხვა პროგრამა, ამას რა მნიშვნელობა აქვს.
მეორე და არამშვენიერი ამ ამბავში ისაა, რომ ხმის ელექტრონულ დათვლასაც კი მხოლოდ ურბანულ ცენტრებში აპირებენ; ხოლო სოფლად ისევ ზინა უნდა ჰყავდეთ! ზინა, ნათელა და არისტოფანე! არ გამოვა მაი საქმე მშვენიერო ოცნება! სოფლელი ირაკლის ხმა ისევე უნდა იყოს დაცული, როგორც ქალაქელი ირაკლისა!
და მესამე – იქ, რუსეთ-აშშ-საბერძნეთებში წასული არიან მოქალაქეები, რომლებსაც არჩევნებზე მისვლის შესაძლებლობა არ აქვთ.
ელ.ხმის მიცემა მიტომ გვინდა, რომ არჩევნებში ქვეყნიდან გასულები მონაწილეობდნენ და არა ამა სოფლიდან წასულები, ანუ – გარდაცვლილები!
ჰოდა, პირველ აბზაცში რომ დავწერე, ოცნება დასავლური ძალაა – მეთქი, სპეციალურად ვქენი, რომ ჩემგან გაგკვირვებოდათ! დასავლური კი არა, აფერისტოს! ბაჭიკანტოს! რუსულოს! მაფიოზოს! თვალთმაქცოს და ისტორიის სანაგვეზე მოსასროლოს!
ზი ბანდიტოს! უბივანტოს! აგრაბლიანტოს!”
კომენტარები