შვედეთში მცხოვრები ნინო ბიწაძე სოციალურ ქსელში ფოტოებს აქვეყნებს და წერს:
ქართული ბრენდები “რუსული დელიკატესების” მაღაზიაში შვედეთში. ამ შემთხვევაში მეორეხარისხოვან პრობლემად მეჩვენება ის, რომ ბარკოდების მიხედვით არცერთი ეს პროდუქტი საქართველოში არაა დამზადებული და სრული ნაგავია, ისეთი უგემურია. უპირველესი პრობლემად იმას მივიჩნევ, რომ ქართული ბრენდები რუსულ დელიკატესად სახელდება ევროპაში. და ამას ბოლო არ უჩანს. იგივე მაღაზიაში რუსული წიგნები იყიდება ძირითადად საბავშვო. რუსულენოვანი დიასპორის თავშეყრის ადგილი და შვედებიც საკმაოდ შედიან. ანუ რუსულ მომავალი თაობის ცნობიერებაშიც კი რომელიც შვედეთში იზრდება, სულგუნი და ბორჯომი რუსული დელიკატესის სახით მკვიდრდება. ასევე შვედებიც რომლებიც ამას ხედავენ, მერე გვიკვირს რომ რუსებად აღგვიქვამენ. არა მგონია ამ სულგუნის გასინჯვის შემდეგ შვედს მისი მეორედ ყიდვა მოუნდეს, ან ეს ტარხუნის ლიმონათი შვედ ბავშვს მოეწონოს. ამავე მაღაზიაში გაურკვეველი ნათითხნი ჯემი სახელად “ტყემალი” იყიდება სომხური წარწერით. გამოდის, აქაც თავს გვჭრიან რუსები. ჩვენს უნიკალურ გემოებს აპარტახებენ, თან თავისად იჩემებენ რუსები, რითიც ჩვენ გვიხერგავენ ევროპული ბაზრისაკენ მიმავალ გზებს. მაგრამ არაუშავს, ეს იმპერიაც გადაშენდება!
როგორც იმ პაკეტზე წერია : “ტამბოვსკიი ვოლკ ტვოი ტავარიშჩ”!
კომენტარები