„ქართულ ოცნებას“ იდიოტური სტრატეგია აქვს არჩეული, როცა მოსახლეობას ეუბნება, რომ ოპოზიციური კანდიდატის გამარჯვების შემთხვევაში ქალაქის მთავრობა ვერ იმუშავებს“,- ამის შესახებ განცხადება „გირჩი – მეტი თავისუფლების“ ლიდერმა ზურაბ ჯაფარიძემ გააკეთა. მისივე განმარტებით, ვერცერთი პარტია ვერ წავა მოსახლეობის წინაშე და თუ მოსახლეობა გადაწყვეტს, რომ მთავრობა უნდა იყოს კოალიციური, ისინი საზოგადოების ნებას დაემორჩილებიან.
მისივე განმარტებით, ქართულმა ოცნებამ ზუგდიდში პირველი ტური წააგო, ახლა კი არის შანსი, რომ კიდევ დამარცხდნენ, ამიტომ მთელი რესურსი იქნება მობილიზებული, „იქნება ეს ძალოვნები სუს-ის სახით, თუ ქურდული სამყარო“.
როგორც ჯაფარიძე ამბობს, ღარიბაშვილის და კალაძის რიტორიკა შეცვლილია, რაც აჩვენებს, რომ შეშინებულები არიან.
„ეს არის მოსახლეობის შანტაჟი. ვერცერთი პარტია ვერ წავა მოსახლეობის უმრავლესობის ნების წინაშე. როდესაც დედაქალაქის მოსახლეობის უმრავლესობა გადაწყვეტს, რომ მთავრობა აქ უნდა იყოს კოალიციური, როგორ არ დაემორჩილებიან მოსახლეობის ნებას, მაგასაც ვნახავთ. ზუგდიდში არის ადგილი, სადაც მათ პირველი ტური წააგეს და ძალიან, ძალიან დიდი შანსი არის, რომ მეორე ტურიც წააგონ და ეს თვითონაც იციან. ამიტომ მთელი რესურსი იქნება იქ მობილიზებული, იქნება ეს ძალოვნები სუს-ის სახით, თუ ქურდული სამყარო. ყველანი იქ არიან და ცდილობენ რამენაირად წაგება არ გაფორმდეს. ძალოვნების მხრიდან თანამდებობების დატოვება აჩვენებს, რომ სისტემის შიგნით არის რღვევა. სინამდვილეში ეს სისტემა დგას თოფიან ხალხზე და მოსმენების ხალხზე – სუს-ი და შსს და ასევე დგას ფულზე. როგორც ჩანს, თოფიანი ხალხის ნაწილში რღვევა დაეწყოთ, იქაც არიან წესიერი ადამიანები, რომლებიც ხედავენ, რომ სისტემის მუშაობა ასე ვეღარ გაგრძელდება.
თუ ატყობთ ღარიბაშვილის და კალაძის განცხადებებს, რიტორიკა შეიცვალეს. ეს ყველაფერი აჩვენებს, რომ შეშინებულები არიან“, – განაცხადა ჯაფარიძემ.
კომენტარები