„ნაციონალური მოძრაობის“ დეპუტატი, რომან გოცირიძე სოციალურ ქსელში წერს:
„ევროპის ყველა ქვეყნის გაზსაცავი ბოლომდე სავსეა. ამას ხელი შეუწყო თბილმა ამინდებმაც. გათბობის ტემპერატურის ერთი გრადუსით შემცირება გამოიწვევს ევროპაში 15 მილიარდი კუბური მეტრი გაზის ეკონომიას. მომავალ ზამთარში რუსეთის გაზზე დამოკიდებულება მთლიანად დაიძლევა. ნაცვლად სავარაუდო 10-15 წლისა, ეს შეძლეს მხოლოდ ერთ წელიწადში. ამაშია საბაზრო ეკონომიკის ძალა. მის პირობებში დეფიციტის ცნება არ არსებობს, ყველაფერი კორექტირდება ფასით. მომავალ წელს ინფლაციასაც მიხედავენ.
რუსეთს რა მოსდის და რა მოუვა, ეს ძნელი გამოსაცნობი არ არის.
პუტინმა ვალდაის ფორუმზე თავისი გამოსვლა ანეკდოტით დაამთავრა, თუ როგორ იყინება ევროპელი ზამთარში. ეგონა კაგებეშნიკი პატრიარქ კირილეს ლოცვა გაჭრიდა და ცივ ზამთარს მოუვლენდა ევროპელებს.
არაო ღმერთმა.“
კომენტარები