უკრაინის შინაგან საქმეთა მინისტრის მრჩეველი ანტონ გერაშჩენკო სოციალურ ქსელში პოსტს აქვეყნებს. გერაშჩენკო პუტინის ქმედებებს ზუგზვანგს ანუ ჭადრაკის სვლას ადარებს, როდესაც ნებისმიერი შემდგომი ნაბიჯი მხოლოდ აუარესებს მოთამაშის მდგომარეობას.
„ეს არის სიტუაცია ჭადრაკში, როდესაც ნებისმიერი შემდგომი ნაბიჯი მხოლოდ აუარესებს მოთამაშის მდგომარეობას. პუტინის გათვლა იყო კიევის ალყაში მოქცევა სამ დღეში. თუმცა, მარცხი მიიღო ყველა მიმართულებით. გეგმავდა პრეზიდენტ ვლადიმერ ზელენსკის მუხლების კანკალით დანებებას. პრეზიდენტ ზელენსკის კი, იმის ნაცვლად, რომ დაკარგოს კონტროლი, მტკიცედ უჭირავს ძალაუფლება. მან ერთ კვირაში მოახერხა ევროკავშირში უკრაინის გაწევრიანებაზე კანდიდატურის მიღება“ – განაცხადა გერაშჩენკომ.
გერაშჩენკომ, ასევე, დასავლეთის მხრიდან რუსეთისთვის დაწესებულ სანქციებზეც ისაუბრა.
„რუსებს ახლა არსად აქვთ გასაფრენი, არ აქვთ ვაჭრობა, სპორტი. ეკონომიკა ნანგრევებშია. უკრაინელი ხალხის შესახებ მოკლედ გეტყვით, უკრაინელი ხალხის დამარცხება შეუძლებელია! რა მოხდება შემდეგ?
დიახ, პუტინს ჯერ კიდევ აქვს ასობით ათასი, შესაძლოა მილიონობით ტონა ჭურვი, ბომბი და რაკეტა. დიახ, მას შეუძლია ასობით კალიბრით, ისკანდერით კომუნიკაცია, წყალი, ელექტროენერგია წაგვართვას, რომ აღარაფერი ვთქვათ ათიათასობით უკრაინელის სიცოცხლეზე. მაგრამ ეს რას მისცემს მას? არაფერს! უკრაინა არ დანებდება!“ – წერს გერაშჩენკო.
კომენტარები