პუტინი რუსი ჩინოვნიკებისთვის უკანონო შემოსავლების კონფისკაციას იწყებს. ინფორმაციას ამის შესახებ Lenta.Ru ავრცელებს.
გამოცემა წერს, რომ რუსეთის ფედერაციის პრეზიდენტმა, ვლადიმერ პუტინმა ხელი მოაწერა ბრძანებას, რომელიც შესაძლებლობას იძლევა ჩინოვნიკებისთვის უკანონო შემოსავლების კონფისკაციისთვის.
ბრძანების მიხედვით, პროკურატურა შეამოწმებს საჯარო მოხელეებისა და მათ ოჯახის წევრების საბანკო ანგარიშებს და იმ შემთხვევაში თუ აღმოჩნდება, რომ მათ ანგარიშებზე ჩარიცხვები ბოლო 3 წლის განმავლობაში მათ შემოსავლებს 10 000 რუბლით აღემატება, სასამართლოში საქმე აღიძვრება თანხების ბიუჯეტის სასარგებლოს კონფისკაციისთვის.
შეგახსენებთ, 24 თებერვალს რუსეთის სამხედრო ძალები უკრაინაში შეიჭრა. მე-11 დღეა, იბომბება უკრაინის ქალაქები. დაღუპულია ასობით მშვიდობიანი მოქალაქე. ძირითადად ევროკავშირის ქვეყნების მიმართულებით ქვეყანა დატოვა 1.5 მილიონზე მეტმა ადამიანმა. ეს არის მეორე მსოფლიო ომის შემდეგ ევროპაში ყველაზე მასშტაბური და სწრაფი ლტოლვილთა კრიზისი.
კომენტარები