,,ნეიტრალური საქართველოს” წევრი, ვატო შაქარიშვილი:
,,პროფესიით საქართველოს მტრის, თინა ხიდაშელის გუშინ გაჟღერებული აბსურდული ბრალდება, თითქოს ჩვენს ქვეყანაში ფუნქციონირებს ტერორისტების მომზადების ცენტრები, არ არის შემთხვევითი მოვლენა, ეს არის მიზანმიმართული ქმედება, რომელიც სისხლისმღვრელ ომში ჩვენს გახვევას ემსახურება.
ქვეყნის გარეთ დაგეგმილი სცენარის ნაწილი იყო ხიდაშელის ცრუ მოწმედ გამოჩენა ჰელსინკის კომისიაზეც, სადაც მან საქართველოს დააბრალა ირანისთვის დახმარება სანქციებისგან თავის არიდებაში.
საგულისხმოა, რომ ეს ბრალდებები ისმის თავდაცვის ყოფილი მინისტრისგან.
ეს ყველაფერი კიდევ ერთი დასტურია იმისა, რომ უცხოური აგენტურის არსებობის პირობებში გამორიცხულია ჩვენს ქვეყანას დამშვიდების და ამოსუნთქვის საშუალება მიეცეს!
იმ ფონზე, როდესაც უდიდესი მასშტაბის კონფლიქტი მიმდინარეობს, რომელმაც უკვე 20-მდე ქვეყანა მოიცვა და ვითარება სულ უფრო მძიმდება, საკუთარი ქვეყნის წინააღმდეგ ასეთი ცრუ ბრალდებების გაჟღერება არის ღალატი და ეს დაუსჯელი არ უნდა დარჩეს!
პარალელურად იბეჭდება შეკვეთილი სტატიები საერთაშორისო მედიაში, რომელთაც ხელოვნურად უწევენ აქტუალიზაციას კაპიტანი გიგაური და აგენტურული ქსელის მედია-განყოფილებები.
სცენარი აბსოლუტურად იგივე, რაც უკრაინის ომის დაწყებიდანვე ამოქმედდა, მიზანიც იგივე – საქართველოს დესტაბილიზაცია!“
შეგახსენებთ, თინა ხიდაშელმა განაცხადა:
,,საქართველოში, პრაქტიკულად, არალეგალურად ფუნქციონირებს “უნივერსიტეტი“, თუმცა ის უნივერსიტეტი არ არის, არც აკრედიტაცია აქვს და არც არაფერი, იმისთვის, რომ აკადემიურ დაწესებულებად ჩაითვალოს, თუმცა, ის ფუნქციონირებს, იქ სწავლება მიმდინარეობს და მისი რექტორი იყო თავის დროზე ის ადამიანი, რომელიც ალი ხამეინის მემკვიდრედ გამოცხადდა. ეს ფაქტი არავის დარჩება შეუმჩნევლი, ამერიკული მედია წერდა დღეს ამის შესახებ, რომ საქართველოში არსებობს ეს ფილიალი, რომლის რექტორიც იყო ეს კაცი. ეს ყველამ კარგად უნდა იცოდეს, რომ არავითარი უნივერსიტეტი არ არის, ეს არის ტერორისტების სკოლაა, რომელშიც ამზადებენ ადამიანებს, “სიკვდილი ამერიკას“ და “სიკვდილი ისრაელს“ სულისკვეთებით.“
კომენტარები