პროკურატურამ პოლიციელთა მიერ ბავშვის ცემის ფაქტზე გამოძიება დაიწყო

პროკურატურა განცხადებას ავრცელებს  რომლის მიხედვითაც ირკვევა, რომ გამოძიება დაიწყო შსს-ს თანამშრომლების წინააღმდეგ,  არასრულწლოვანზე იძალადობის მუხლით.

მუხლი, რომლითაც გამოძიება დაიწყო გულისხმობს უფლებამოსილების გადამეტებას ძალადობით, ან იარაღის გამოყენებით; არაერთგზის; დაზარალებულის ღირსების შეურაცხუოფით და ისჯება 5-დან 8 წლამე ციხით.

უწყება წერს რომ გამოძიება დაიწყო შსს-ს თანამშრომლების წინააღმდეგ, გამოდის,  დანაშაული ჩადენილ იქნა ჯგუფურად.

გადაკვალიფიცირდება თუ არა ჯგუფურად არასრულწლოვანზე ძალადობის საქმე უფლებამოსილების გადამეტებიდან კიდევ უფრო მძიმე ბრალდებად, – ცხადია, უცნობია.

პროკურატურა, რომელიც თავის მხრივ, გამოძიების ზემდგომი და ზედამხედველი ორგანოა, ის ადგენს რა მუხლით აღიძრას საქმე, მას მიეწოდება პირველ რიგში ჩვენებები, მის ხელშია კონტროლი, – ამტკიცებს რომ თავად არ ჰქონდა ინფორმაცია ბავშვის ცემაზე და მხოლოდ მას შენდევ შეიტყო, რაც ოჯახმა მიმართა.

აქვე უნდა ითქვას ისიც, რომ პროკურატურის განცხადებამდე რამდენიმე საათით ადრე, ოჯახის ადვოკატმა, იაკო კვანტალიანმა გაახმაურა ფაქტი, ის წერდა, რომ 5 პოლიციელი სცემდა არასრულწლოვანს და საუბრობდა შემდგომ მუქარაზეც. პასუხისმგებლობას კი პროკურატურას აკისრებდა.

2026 წლის 12 თებერვალს, თბილისის პროკურატურის საგამოძიებო სამმართველოში დაიწყო გამოძიება, შინაგან საქმეთა სამინისტროს თანამშრომლების მხრიდან სამსახურებრივი უფლებამოსილების ძალადობით გადამეტების ფაქტზე, საქართველოს სისხლის სამართლის კოდექსის 333-ე მუხლის მესამე ნაწილით გათვალისწინებული დანაშაულის ნიშნებით.

გამოძიებას საფუძვლად დაედო საქართველოს შინაგან საქმეთა სამინისტროს გენერალური ინსპექციის მომართვა და საქართველოს პროკურატურის ცხელ ხაზზე შემოსული, არასრულწლოვანის მშობლის შეტყობინება, წერს უწყება.

“ხუთმა პოლიციელმა არასრულწლოვანზე იძალადა” – ადვოკატის წერილი