„ნიკა მელია არის ჩვეულებრივი კრიმინალი, ზონდერი, უინტელექტო კაცი, რომელმაც, სახელმწიფოს წინააღმდეგ, უბინძურეს პროვოკაციაში მიიღო მონაწილეობა – კაცი, რომელიც პარლამენტში შენობაში შეჭრისკენ მოუწოდებდა და აორგანიზებდა პოლიციელების, სპეცრაზმელების წინააღმდეგ აგრესიულ, კრიმინალების ბრბოს. ასეთი კაცი დღეს თბილისის მერობის კანდიდატია“, – ამის შესახებ საქართველოს პრემიერ-მინისტრმა მედიასთან საუბრისას განაცხადა.
ირაკლი ღარიბაშვილის თქმით, მელიამ საკუთარი მამაც არ დაინდო და ადამიანი, რომელსაც თვითმმართველობის არაფერი გაეგება, ზუგდიდში მერობის კანდიდატად წარადგინა.
„რატომ აწვალებს ამ კაცს, რომელსაც წარმოდგენა არ აქვს თვითმმართველობაზე, მუნიციპალიტეტის მუშაობაზე, არ იცის ბიუჯეტი, არ იცის, როგორ მუშაობს მუნიციპალიტეტი. საკუთარ მშობელს რომ არ უფრთხილდება, ის როგორ გაუფრთხილდება სხვების შვილებს, მშობლებს, ოჯახის წევრებს. ამით ხომ ყველაფერია ნათელი? ჩვენ ზუგდიდში გვყავს უწესიერესი კაცი, მამუკა წოწერია – გამოცდილი, პროფესიონალი, კვალიფიციური საჯარო მოხელე, რომელსაც ძალიან კარგად იცის საქმე“, – აღნიშნა ირაკლი ღარიბაშვილმა.
კომენტარები