რუსულმა დრონმა პოლონეთის ქალაქ ლუბლინში საცხოვრებელი სახლი დააზიანა.
„პოლსატ ნიუსის“ ცნობით, დაზიანებულია შენობის სახურავი და ავტოსადგომი, შემთხვევის შედეგად არავინ დაშავებულა.
„ხალხმა აფეთქების ხმა გაიგო და პოლონური გამანადგურებლებიც დაინახეს. სიტუაცია საკმაოდ რთული და შემაშფოთებელია. მოსახლეობაში დიდი შეშფოთებაა“, – წერს პოლონური მედია.
პოლონეთის ხელისუფლების განცხადებით, რუსეთის მიერ უკრაინაზე განხორციელებული მორიგი მასშტაბური იერიშის დროს, პოლონეთის საჰაერო სივრცე ობიექტებმა მრავალჯერ დაარღვიეს.
პოლონეთის სამხედროებმა განაცხადეს, რომ საპასუხოდ ნატო-ს მოკავშირეებმა პოლონეთის საჰაერო სივრცეში ავიაცია აამოქმედეს და სრულ საბრძოლო მზადყოფნაში მოიყვანეს სახმელეთო საჰაერო თავდაცვის ძალები.
კომენტარები