პოლონეთი ბელარუსთან სასაზღვრო პუნქტების დახურვის შესაძლებლობას განიხილავს. ამის შესახებ პოლონეთის საგარეო საქმეთა მინისტრმა, ადგილობრივ მედიასთან საუბრისას განაცხადა. მისი თქმით, სიტუაცია პოლონეთის აღმოსავლეთ საზღვარზე ახლა მთლიანად რუსული და ბელარუსული სამსახურების ოპერაციებით კონტროლდება.
რამდენიმე კვირის წინ, ბელარუსთან საზღვარზე დანით მიღებული ჭრილობის შედეგად პოლონელი მესაზღვრე გარდაიცვალა. ინციდენტი მაშინ მოხდა, როდესაც 50-მდე უცხოელმა პოლონელ მესაზღვრეებს ქვები დაუშინა. მიგრანტების მიერ საზღვრის გადაკვეთის მცდელობისას ერთ-ერთმა მათგანმა პოლონელი სამხედრო დანით დაჭრა.
კომენტარები