ინტერნეტში დიდი ბრიტანეთის ქალაქ დერბიში გადაღებული ვიდეო გავრცელდა, რომელშიც პოლიციის ოფიცერი, ნორმანტონის გზაზე პატრულირებისას, მოქალაქეებს გარეპვით მოუწოდებს, სახლში დარჩნენ.
“Stay at home whenever you can.
Don’t go out on the streets with your fam.
Don’t walk around in two or more,
Or we’ll come knockin’ at your door.
Only go to the shop for essential things,
Like milk, fruit and cheese strings”.
“დარჩით სახლში, როცა ეს შესაძლებელი იქნება,
არ გახვიდეთ ქუჩაში ოჯახის წევრებთან ერთად,
არ იაროთ ორმა ან მეტმა ადამიანმა,
თუ არადა კარზე მოგიკაკუნებთ.
საყიდლებზე მხოლოდ აუცილებელი პროდუქტებისთვის წადით,
როგორებიცაა რძე, ხილი და ყველის ჩხირები”, – რეპავს პოლიციელი.
როგორც BBC წერს, ქვეყნის შინაგან საქმეთა სამინისტრომ პოლიციის ეკიპაჟის ქმედება ოფიციალური განცხადებით წაახალისა:
“სამართალდამცველები ყველა შესაძლებლობას გამოიყენებენ, რომ საზოგადოების ყურადღება მიიქციონ. ამ შემთხვევაში ეკიპაჟმა საკმაოდ უჩვეულო ხერხს მიმართა, თუმცა, ჩვენ მხარს ვუჭერთ იმას, რომ ჩვენმა თანამშრომლებმა ახალი გზები მოიძიონ, რათა საზოგადოებას მაქსიმალურად გასაგებად მიაწოდონ ჩვენი გზავნილი”.
წყარო – popmusic.ge
კომენტარები