პოლიტიკოსი მამუკა კაციტაძე, უმრავლესობის ერთ-ერთი ლიდერის გია ვოლსკის მიერ, პარტია ,,ლელოს” ლიდერის მამუკა კაციტაძის მისამართით გაკეთებულ განცხადებას, რომლითაც ვოლსკი ხაზარაძის პერსონის მიმართ ერთგვარი კომპრომატის გაჟღერებას შეეცადა სოციალური ქსელით ეხმიანება.
კაციტაძე სიცრუეს უწოდებს ვოლსკის მიერ გაკეთებულ განცხადებას და დეტალურად იხსენებს იმ მოვლენებს, რომელზეც ,,ქართული ოცნების” წარმომადგენელი საუბრობდა.
,,ადგილობრივი თვითმმართველობის არჩევნების მეორე ტურამდე ზუსტად ერთი კვირა დარჩა. როგორც მოსალოდნელი იყო, პოლიტიკური ფონი ყოველდღიურად იძაბება. ხელისუფლების წარმომადგენელთა მხრიდან, ჩვეულებრივ ამბად იქცა, ლანძღვა-გინება, პროვინციული ქილიკი, დაშინება, იაფფასიანი პასკვილებით პოლიტიკურ მოწინააღმდეგეთა დისკრედიტაციის მცდელობა და ეს ყველაფერი ხორციელდება სამაგალითო დილეტანტიზმის დემონსტრირებით.
გუშინ, 22 ოქტომბერს პარლამენტის ვიცესპიკერმა ბ-ნმა ვოლსკიმ განაცხადა, რომ საზოგადოებაში არსებობს აზრი, თითქოს 1989 წლის 18 თებერვალს საქართველოს ტექნიკურ უნივერსიტეტთან გამართულ მიტინგზე მამუკა ხაზარაძემ ფიზიკური შეურაცხყოფა მიაყენა ეროვნული მოძრაობის ლიდერს მერაბ კოსტავას და რომ ეს აზრი ითხოვს განმარტებას.
მიუხედავად იმისა, რომ ეს ჭორი არახალია, რომ ამ შეთითხნილ ბრალდებასთან დაკავშირებით გაიმართა სასამართლო პროცესი და არსებობს სისრულეში მოყვანილი სასამართლო განჩინება, რომ ცხადზე ცხადია, ოცდათორმეტი წლის წინანდელი მიტინგის გახსენება დღეს, მრავალპარტიული კოალიციის ერთ-ერთი ლიდერის კომპრომეტაციას ისახავს მიზნად, მინდა ჩემ ხელთ არსებული ინფორმაცია მივაწოდო საზოგადოებას, მათ შორის ბ-ნ ვოლსკის.
1989 წლის 18 თებერვალს საქ. ტექნიკურ უნივერსიტეტთან გამართული მიტინგის ერთ-ერთი ორგანიზატორი გახლდით (ისე როგორც მაშინდელი ყველა საპროტესტო აქციისა), მიტინგზე სტუდენტების მიერ მოწვეული იყო მერაბ კოსტავა. გვქონდა ინფორმაცია, რომ საბურთალოს მილიციას და სტუ-ს კომკავშირის კომიტეტს მიტინგი უნდა დაერბიათ. დაპირისპირება სერიოზულ და ხანგრძლივ ჩხუბში გადაიზარდა. სხვათაშორის ეს ჩხუბი ორი დღის შემდეგ ჯუმბერ პატიაშვილის კაბინეტში გაგრძელდა, სადაც შესარიგებლად მიგვიწვიეს. 9 აპრილის ტრაგედიის შემდეგ შექმნილმა საგამოძიებო კომისიამ 18 თებერვლის მოვლენების შემსწავლელი კომისია შექმნა ტექ. უნივერსიტეტში, რომლის წევრიც ვიყავი. სამთვიანი მუშაობის შემდეგ დაიდო დასკვნა, რომლის მიხედვით ნათელი გახდა: როგორ დაიგეგმა და განხორციელდა მიტინგის დარბევა და ვინ რა მონაწილეობას იღებდა ამ დარბევაში! ეს ინფორმაცია, როგორც მოწმემ, მივაწოდე ზემოხსენებულ სასამართლოს. კომისიის დასკვნის თანახმად, მამუკა ხაზარაძეს არც დაგეგმვაში, არც დარბევაში მონაწილეობა არ მიუღია, მან და ორმა მისმა კოლეგამ, ერთი საათით ადრე დატოვა ტერიტორია. ეს გახლავთ ოფიციალური ინფორმაცია.ეს ინფორმაცია შეიძლება ზოგს მოეწონა, ზოგს არა, ზოგს ჩაეშალა მაკომპრომეტირებელი კამპანია, ზოგი ძველებურად განაგრძობს სამართლიან ბრძოლას.ეს არის სიმართლე!მაშინ არც მეორე ტური იყო, არც “ლელო” და არც საქართველოს სახელმწიფო! მაგრამ ობიექტურობისთვის უნდა ითქვას, იყო გიორგი ვოლსკი – საბჭოთა პროფ. საბჭოს ინსტრუქტორი”- წერს კაციტაძე.
კომენტარები