„სააკაშვილსაც მაშინ შევურიგდები, როდესაც იმ ტკივილს მიზერით მაინც გააქარწყლებს რაც ჩაიდინა ქვეყნის და მოქალაქეების წინაშე“ – სამოქალაქო აქტივისტი ლადო სადღობელაშვილი მიხეილ სააკაშვილის იდეას საყოველთაო შერიგების შესახებ სოციალურ ქსელში ეხმიანება:
„როდესაც ვსაუბრობთ “შერიგებაზე”, საუბარი რაიმე წინაპირობაზე არალოგიკურია, მაშინ ეს შერიგება კი არა, გარიგება უფრო იქნებოდა… 
შერიგება თავის თავში უპირველეს ყოვლისა გულისხმობს ძველის დავიწყებას, განულებას, რესტარტს და ა.შ. შერიგების შემთხვევაში არ არსებობს დამნაშავე, არ არსებობს დაჩაგრული, არ არსებობს მტყუან-მართალი! ვიმეორებ შერიგება არის თანასწორ უფლებაში ჩაყენება ყოველგვარი პირობის გარეშე! ახლა ასეთი კითხვა მაქვს სააკაშვილის მომხრეებთან და ურჩხულებიდან უეცრად ქცეულ “დედა ტერეზებთან” : რუსეთს შევურიგდეთ? დავივიწყოთ ომი, სროლა, დაბომბვა, ოკუპირებული ტერიტორიები, მოკლული ჯარისკაცები, გაუბედურებული მოსახლეობა, ტკივილი, შიში… დავივიწყოთ?! დავივიწყოთ ყველაფერი და გავიყაროთ როგორც ვართ და დავიწყოთ ყველაფერი თავიდან? გეკითხებით : რუსეთს უნდა შერჩეს? ხო და ახლა სააკაშვილზეც იგივე მაინტერესებს, შევურიგდეთ?! მე თუ მკითხავ მხოლოდ მაშინ შევურიგდები რუსეთს როდესაც როგორც მინიმუმ ტერიტორიებს დააბრუნებს, სააკაშვილსაც მაშინ შევურიგდები, როდესაც იმ ტკივილს მიზერით მაინც გააქარწყლებს რაც ჩაიდინა ქვეყნის და მოქალაქეების წინაშე.ხო და ახლა ვფიქრობ რა შეიძლება იყოს ტკივილის ის “გამქარწყლებელი”,რომელიც სააკაშვილმა უნდა “დათმოს”?! რაც მე (და ჩემს პოზიციაზე მყოფს) დაამშვიდებს, დააწყნარებს, მოალბობს და სადღაც გულის სიღრმეში მაინც გამიჩენს იმის სურვილს ნაპერწკალს, რომ ამ ანომალიურ მოვლენას შევურიგდე?!Ps საერთოდ პოლიტიკურ დამნაშევეებთან დაკავშირებით ვფიქრობ ისეთივე შეხედულება უნდა გვქონდეს როგორიც ცივილურ სამყაროს ჰქონდა ჰუსეინის, ჩაუშესკოს, პინოჩეტის, ფრანკოს და ა.შ-ს მიმართ!“- წერს ლადო სადღობელაშვილი.
„
კომენტარები